CM Eknath Shinde Speech Solapur : देशात मोदी सरकार, राज्यातही डबल इंजिन येणार, फिर एक बार मोदी सरकार

CM Eknath Shinde Speech Solapur : देशात मोदी सरकार, राज्यातही डबल इंजिन येणार, फिर एक बार मोदी सरकार

सोलापूर : देशात पुन्हा पंतप्रधान नरेंद्र मोदी (PM Narendra Modi) यांच्या नेतृत्वात सरकार स्थापन होईलच, पण महाराष्ट्रातही (Maharashtra double Engine Sarkar) पुन्हा डबल इंजिन सरकार सत्तेत येईल, असा विश्वास मुख्यमंत्री एकनाथ शिंदे (Eknath Shinde) यांनी व्यक्त केला. ते सोलापुरात (PM Modi Solapur) बोलत होते. पंतप्रधान नरेंद्र मोदी यांच्या हस्ते आज सोलापुरात  नगर कुंभारी येथील पंतप्रधान आवास योजनेंतर्गत असंघटित (Solapur Ray Nagar Housing Society) कामगारांसाठी बांधण्यात आलेल्या घरकुलांचे लोकार्पण मोदींच्या हस्ते झाले. 350 एकर परिसर, 834 इमारती , 30 हजार फ्लॅट्स ही देशातील सर्वात मोठी कामगार वसाहत  आहे. 

यावेळी मुख्यमंत्री एकनाथ शिंदे म्हणाले, "सोलापूरच्या पवित्र भूमीत देशाचे पंतप्रधान नरेंद्र मोदी यांचे स्वागत करतो. मोदीजी म्हणाले होते शिलान्यास हमने किया है और उद्घाटन भी हम करेंगे. अटल सेतू, समृद्धी महामार्ग यांचे उद्घाटन देखील मोदींनी केले होते. मोदींजींची गॅरंटी फक्त कागदावर नसते तर वास्तवात होते. आम्हाला एका मोठ्या नेतृत्वाचे आशीर्वाद मिळाले आहेत".