Brahmin CKP Mahamandal : ब्राह्मण, सीकेपींसाठी स्वतंत्र महामंडळ विचाराधीन

ब्राह्मण, सीकेपींसह खुल्या प्रवर्गातील समाजाची नाराजी दूर करण्यासाठी स्वतंत्र महामंडळ स्थापन करण्याचा प्रस्ताव राज्य सरकारच्या विचाराधीन आहे. खुल्या प्रवर्गासाठी ‘सारथी’च्या धर्तीवर ‘अमृत’ संस्थेची स्थापना गेल्या वर्षी करण्यात आली असली तरी शासकीय दुर्लक्षामुळे ही संस्था सध्या कागदावरच आहे. मात्र कसबा विधानसभा पोटनिवडणुकीत भाजपला ब्राह्मण समाजाच्या नाराजीला तोंड द्यावे लागले. त्यानंतर आठवडाभरापूर्वी अतिरिक्त जिल्हाधिकारी दर्जाचे अधिकारी विजय जोशी यांची नियुक्ती संस्थेवर करण्यात आली. याबाबत नवी दिल्लीतून पक्षश्रेष्ठींनी सूचना केल्याची माहिती आहे.