Pune Politics: 'धंगेकरांना आवरा नाहीतर युतीत मिठाचा खडा', BJPची मुख्यमंत्री शिंदेंकडे तक्रार

पुण्यातील राजकारण शिवसेना नेते रवींद्र धंगेकर (Ravindra Dhangekar) यांच्या भूमिकेमुळे तापले आहे. शहरातील गुन्हेगारीवरून धंगेकरांनी थेट भाजपचे ज्येष्ठ नेते आणि मंत्री चंद्रकांत पाटील (Chandrakant Patil) यांना सवाल केल्याने भाजप नेत्यांनी मुख्यमंत्री एकनाथ शिंदे (Eknath Shinde) यांच्याकडे तक्रार केली आहे. 'आपण प्रश्न विचारले नाहीत तर पुणेकर आपल्याला माफ करणार नाहीत', असे म्हणत रवींद्र धंगेकर आपल्या भूमिकेवर ठाम आहेत. निवडणुकांच्या तोंडावर धंगेकरांना आवरा अन्यथा महायुतीमध्ये मिठाचा खडा पडू शकतो, असा इशारा भाजप नेत्यांनी दिला आहे. यावर पुणे दौऱ्यावर असताना मुख्यमंत्री शिंदेंनी धंगेकरांना सबुरीचा सल्ला दिला. मात्र, पुणेकरांसाठी बोलणारच आणि राजकीय नुकसान सोसायला तयार आहे, असे धंगेकर यांनी स्पष्ट केले आहे.