Corona Vaccine Black Marketing Aurangabad : कोरोना लसींचा काळाबाजार,'माझा'चं स्टिंग ऑपरेशन EXCLUSIVE

जवळपास अर्धा महाराष्ट्र कोरोनाच्या लशीपासून वंचित आहे... लाखो जणांची सकाळ लशीच्या रांगेत सुरु होते... तरी देखील त्याला डोस मिळेल याची शाश्वती नसते.. काही जणांना परवडत नसतानाही पदरचे पैसे मोडून खाजगी केंद्रावर लस घ्यावी लागतेय..... तर दुसरीकडे महाराष्ट्रात कोरोना लशीचा सर्रास  काळाबाजार सुरु आहे. एबीपी माझाच्या छुप्या कॅमेऱ्यानं लशीचा काळाबाजार करणाऱ्यांना कैद केलंय.. तुमच्या आमच्या हक्काच्या लसीवर डल्ला मारणाऱ्यांमध्ये सरकारी कर्मचारीच आघाडीवर आहे. औरंगाबादमध्ये त्याचं एक उदाहरण समोर आलंय. दररोज सरकारी लसीकरण केंद्रावरच्या ३० ते ४० लसी चोरून, त्याची चोरीछुपे विक्री करणारा गणेश दुरोळे एबीपी माझाच्या छुप्या कॅमेऱ्यात कैद झालाय..  चोरलेल्या लशीची विक्री करण्यासाठी गणेश दुरोळे काही कामगारांना एका खोलीत बोलवत असे. आणि ३०० रुपयांच्या मोबदल्यात प्रत्येकाला लस टोचत असे... हे तर फक्त औरंगाबादचं उदाहरण समोर आलं असेल.. असा काळाबाजार, तुमच्या आमच्या, किंबहुना संपूर्ण महाराष्ट्रभर सुरु असल्याची शंका व्यक्त करण्यात येतेय... एबीपी माझानं केलेल्या या स्टिंग ऑपरेशनुमळं लशींचा काळाबाजार आता चव्हाट्यावर आलाय..