Viral Video: 'साप पकडणं जीवावर बेतलं', प्राणीमित्र Sameer Ingle यांचा सर्पदंशानं दुर्दैवी मृत्यू

अहिल्यानगर (पूर्वीचे अहमदनगर) शहरात एक अत्यंत दुर्दैवी घटना घडली आहे, जिथे प्रसिद्ध प्राणीमित्र समीर इंगळे (Sameer Ingle) यांचा सर्पदंशामुळे मृत्यू झाला आहे. साप पकडण्याच्या प्रयत्नात असताना त्यांच्या हाताला साप चावल्याची थरारक घटना घडली, ज्यानंतर उपचारादरम्यान त्यांची प्राणज्योत मालवली. सावेडी परिसरात साप असल्याची माहिती मिळताच समीर मदतीसाठी पोहोचले होते. नेहमीप्रमाणे साप पकडण्याचा प्रयत्न करत असताना सापाने त्यांच्या हाताला चावा घेतला. त्यांना तातडीने एका खाजगी रुग्णालयात दाखल करण्यात आले, परंतु त्यांचे प्राण वाचू शकले नाहीत. समीर इंगळे हे शहरातील एक परिचित प्राणीमित्र म्हणून ओळखले जात होते आणि त्यांच्या या आकस्मिक निधनामुळे शहरात हळहळ व्यक्त केली जात आहे. या संपूर्ण घटनेचा एक व्हिडिओ सोशल मीडियावर व्हायरल झाला आहे.