Ajit Pawar's Remarks | 'काका-पुतण्या' नात्यावर भाष्य, शिरूरमधील 'त्या'ला पाडणार!

पुण्यामध्ये एका पक्षप्रवेश कार्यक्रमात अजित पवारांनी जोरदार टोलेबाजी केली. यावेळी त्यांनी 'काका-पुतण्या' नात्यावरही भाष्य केले. आपल्या स्वतःच्या व्यक्तिमत्त्वाबद्दल बोलताना त्यांनी शरद पवारांसोबतच्या नात्याची आठवण काढली. "मागचा अजित पवार आणि आताचा अजित पवार यात लय मोठा फरक जाणवतोय," असे ते म्हणाले. शिरूरमधील एका व्यक्तीबद्दल बोलताना त्यांनी सांगितले की, माझी भावखीच मला सोडून गेली. तो पालकमंत्र्याची स्वप्नं बघत होता. परंतु, आता मी त्याला पाडणार आणि तो कसा निवडून येतो ते पाहणार, असे आव्हान त्यांनी दिले. दिल्लीमध्ये जाऊन कोणाला विचारून काही करावं लागत नाही, या त्यांच्या पूर्वीच्या विधानावरही त्यांनी स्पष्टीकरण दिले. काँग्रेस, भाजप किंवा पवार साहेबांच्या पक्षात नेते दिल्लीत असल्यामुळे ते ऐकून बोललो होतो, असे त्यांनी सांगितले. पत्रकार मित्रांनी त्याचा वेगळा अर्थ काढला. मी पक्षाचा अध्यक्ष असल्यामुळे बारामतीत किंवा पुण्यात असतो, त्यामुळे आम्हाला दिल्लीला जायची गरज नाही, असेही त्यांनी स्पष्ट केले.