Parth Pawar Land Scam: ‘माझ्या नावाचा वापर करून कुणी काही केलं तर चालणार नाही’, अजित पवारांचा इशारा

पुण्यातील मुंडवा (Mundwa) येथील वादग्रस्त जमीन व्यवहार (Land Deal) प्रकरणी उपमुख्यमंत्री अजित पवार (Ajit Pawar) यांनी पत्रकार परिषद घेऊन आपली भूमिका स्पष्ट केली आहे. ‘आजपर्यंतच्या माझ्या गेल्या पस्तीस वर्षांच्या राजकीय जीवनामध्ये मी कधी नियम सोडून कुठलं काम केलेलं नाही,’ असे अजित पवार यांनी ठामपणे सांगितले. या प्रकरणी आपल्या मुलाचे किंवा कुटुंबातील कोणाचेही नाव असले तरी कायद्यानेच कारवाई व्हावी, असे ते म्हणाले. हा व्यवहार रद्द करण्यात आला असून, शासनाने या प्रकरणाच्या चौकशीसाठी महसूल विभागाच्या अतिरिक्त मुख्य सचिवांच्या अध्यक्षतेखाली एक समिती नेमली आहे. ही समिती एका महिन्याच्या आत आपला अहवाल सादर करेल, असेही त्यांनी स्पष्ट केले. या प्रकरणात कोणताही आर्थिक व्यवहार झाला नाही आणि एफआयआर (FIR) देखील दाखल करण्यात आल्याची माहिती त्यांनी दिली.