BAR COUNCIL ACTION: '...या निर्णयावर स्टे घेईन', Asim Sarode यांचा Bar Council of Maharashtra and Goa ला इशारा

पुण्यातील वकील असीम सरोदे (Asim Sarode) यांची सनद बार कौन्सिल ऑफ महाराष्ट्र अँड गोवा (Bar Council of Maharashtra and Goa) ने तीन महिन्यांसाठी निलंबित केली आहे. अड. विवेकानंद घाटगे (Adv. Vivekanand Ghatge) यांच्या अध्यक्षतेखालील समितीने विधानसभा अध्यक्ष आणि राज्यपालांविषयी केलेल्या वादग्रस्त वक्तव्याबद्दल हा निर्णय दिला. यावर प्रतिक्रिया देताना सरोदे म्हणाले, 'लवकरच मी बार कौन्सिल ऑफ इंडियामध्ये अपील करून या निर्णयावर स्टे घेईन आणि तीन महिने सनद रद्द हा जो निर्णय आहे त्याला मी आव्हान सुद्धा देतो'. सार्वजनिक कार्यक्रमात न्यायव्यवस्था, राज्यपाल आणि विधानसभा अध्यक्षांबाबत वादग्रस्त वक्तव्य केल्याप्रकरणी ही कारवाई करण्यात आल्याचे सांगितले जात आहे. सरोदे यांनी निकालावर असहमती दर्शवली असून, या निर्णयाला आव्हान देणार असल्याचे स्पष्ट केले आहे.