Ritual Fast: म्हसवडमध्ये १२ दिवस न झोपता, न बसता कडक उपवास Special Report

सातारा (Satara) जिल्ह्यातील म्हसवड (Mhaswad) येथील सिद्धनाथ मंदिरात (Siddhanath Temple) शेकडो वर्षांपासून एक अनोखी परंपरा पाळली जाते, जिथे पुजारी सलग बारा दिवस आणि बारा रात्री उभे राहून कडक उपवास करतात. एका पुजाऱ्याने सांगितले की, 'जेव्हा महिषासुर दैत्याबरोबर नाथांचं युद्ध चालू होतं, तेव्हा देव बारा दिवस उभे होते'. दिवाळी पाडव्यापासून या उपवासाला सुरुवात होते. या काळात हे पुजारी जमिनीवर बसत नाहीत किंवा झोपत नाहीत, केवळ काही काळासाठी विश्रांती घेतात. हा उपवास लाखो भाविकांच्या श्रद्धेचा विषय आहे. गावातील लोक या उपवास करणाऱ्या पुजाऱ्यांना फराळाचे पदार्थ देतात, पण जोपर्यंत या पुजाऱ्यांचा उपवास सुटत नाही, तोपर्यंत गावातील लहान मुलेही काही खात नाहीत, अशी या प्रथेची महती आहे.