Jalgaon News : जळगाव गुन्हे शाखेच्या पोलीस निरीक्षकांची तडकाफडकी बदली, समाजाविषयी आक्षेपार्ह उल्लेख

जळगाव : जळगावात स्थानिक गुन्हे शाखेच्या पोलीस निरीक्षक किरणकुमार बकाले यांची तडकाफडकी बदली करण्यात आलीय. एका समाजाविषयी केलेल्या आक्षेपार्ह वक्तव्याप्रकरणी स्थानिक लोकप्रतिनिधींनी जिल्हा पोलीस अधिक्षक डॉ. प्रविण मुंढे यांच्याकडे तक्रार केली होती. या तक्रारीची दखल घेत किरणकुमार बकाले यांची बदली करण्यात आल्याची चर्चा आहे. पोलिस निरीक्षक किरणकुमार बकाले यांच्या कार्यकाळात अनेक खुनांसह कठीण गुन्ह्यांचा उलगडा करण्यात गुन्हे शाखेला यश आले होते. शिवाय गुन्ह्याची उकल करण्याचं प्रमाणही अलिकडच्या काळात वाढल्याचे दिसून आले होते. मात्र निरीक्षकांची तडकाफडकी नियंत्रण कक्षात बदली करण्यात आल्यामुळे चर्चा रंगल्या आहेत.