Rajjkot Game Zone Fire : गेम झोनला लागलेल्या आगीत 32 जण दगावले, काही अडकले, घटनास्थळावरु रिपोर्ट

Rajjkot Game Zone Fire : गेम झोनला लागलेल्या आगीत 32 जण दगावले, काही अडकले, घटनास्थळावरु रिपोर्ट

Rajkot TRP Game Zone Fire Updates: राजकोट : गुजरातच्या (Gujarat News) राजकोटमधील गेमझोनमध्ये (Rajkot Game Zone Fire) लागलेल्या आगीत 12 मुलांसह 32 जणांचा होरपळून मृत्यू झाला आहे. तर, दहापेक्षा अधिक जणांना वाचवण्यात आलं आहे. तर आगीच्या ठिकाणी आणखी काहीजण अडकल्याची शक्यता आहे. आगीत गेमझोन जळून खाक झालं आहे. आगीची माहिती मिळताच अग्निशमन दल तात्काळ घटनास्थळी दाखल झालं आणि तात्काळ बचावकार्य सुरू करण्यात आलं. दरम्यान, आग लागली त्यावेळी गेमझोनमध्ये मोठी गर्दी होती. तसेच, याठिकाणी पेट्रोल आणि डिझेलचा मोठा साठाही असल्याची माहिती समोर आली आहे. 

मीडिया रिपोर्ट्सनुसार, गुजरात राजकोटमधील टीआरपी गेम झोनमध्ये लागलेल्या भीषण आगीत 9 चिमुकल्यांसह 32 जणांचा मृत्यू झाला आहे. माहिती मिळताच अग्निशमन दलाच्या पथकानं बचावकार्य सुरू केलं. आग लागली त्यावेळी गेमिंग झोनमध्ये मोठ्या संख्येनं लोक उपस्थित होते. कारण शनिवार सुट्टीचा दिवस होता. महत्त्वाची बाब म्हणजे, शनिवारी गेम झोनमध्ये 99 रुपयांची स्पेशल ऑफर ठेवण्यात आली होती. त्यामुळे मोठ्या संख्येनं लोक गेम झोनमध्ये उपस्थित होते. तसेच, गो कार रेसिंगसाठी 1500 ते 2 हजार लिटर डिझेल आणि 1000 ते 1500 लिटर पेट्रोल गेम झोनमध्ये साठवलं जात असल्याचंही समोर आलं आहे. दरम्यान, रेंज आयजी अशोक कुमार यादव यांनी आतापर्यंत 32 जणांचा मृत्यू झाल्याची माहिती दिली आहे.