Aurangabad : औरंगाबादमध्ये छेडछाडीला घाबरून तरुणीची धावत्या रिक्षातून उडी, चेहऱ्याला गंभीर दुखापत

रिक्षाचालकाच्या छेडछाडीला कंटाळून तरुणीनं रिक्षातून उडी मारली आहे. यात तरुणीच्या चेहऱ्याला गंभीर दुखापत झाली आहे. सकाळी 9:30 च्या सुमारास तरुणी ट्युशनला जात असताना हा धक्कादायक प्रकार घडलाय. आरोपी रिक्षाचालक फरार झाला असून पोलीस त्याचा शोध घेताहेत. दुर्दैवाची बाब म्हणजे या मुलीचा आज वाढदिवस होता आणि वाढदिवशीच तिच्यावर हे अरिष्ट ओढवलंय. या घटनेचा सीसीटीव्ही फुटेज समोर आले आहे. घटना अत्यंत दुर्दैवी असून तरुणी सध्या खाजगी रुग्णालयात उपचार घेत आहे.