बंगळुरु/कोलाड : इंधन दरवाढीविरोधात कर्नाटकमध्ये राहुल गांधींचा बैलगाडी मार्च

काँग्रेस अध्यक्ष राहुल गांधी यांनी इंधनाच्या वाढत्या दरांविरोधात आज बैलगाडी मार्च काढला. कर्नाटकमधील कोलाडमध्ये हा मार्च काढण्यात आला. स्वत: बैलगाडीत बसून राहुल गांधींनी हा मार्च काढला आणि मोदी सरकारवर सडकून टीकाही केली.

भाजप सरकारने 2014 पासून आतापर्यंत 10 लाख कोटींचा कर जमा केला. मात्र सर्वसामान्य नागरिकांना त्यामुळे कोणताही दिलासा मिळालेला नाही, अशा शब्दात राहुल गांधींनी पंतप्रधान मोदींवर निशाणा साधला.

पेट्रोल, डिझेल आणि एलपीजीचे भाव गगनाला भिडलेले आहेत. मात्र अच्छे दिनचा वायदा करणारं मोदी सरकार याबाबत गप्प का आहे? असा सवालच राहुल गांधींनी विचारला आहे.