![ABP Premium](https://cdn.abplive.com/imagebank/Premium-ad-Icon.png)
Pandharpur By Election | पंढरपूर पोटनिवडणुकीसाठी राष्ट्रवादीकडून भगीरथ भालके यांना उमेदवारी
पंढरपूर : पंढरपुरात विधानसभेच्या पोटनिवडणुकीची रणधुमाळी पाहायला मिळत आहे. राष्ट्रवादीचे नेते भारत भालके यांच्या निधनानंतर रिक्त असलेल्या जागेसाठी पंढरपूर-मंगळवेढा मतदारसंघाची पोटनिवडणूक जाहीर करण्यात आली आहे. राज्यात महाविकास आघाडीच्या सरकारची स्थापना झाल्यापासून ही विधानसभेसाठीची पहिली पोटनिवडणूक असल्यामुळे सत्ताधारी आणि विरोधकांसाठी ही निवडणूक प्रतिष्ठेची ठरणार आहे. अशातच भाजप आणि राष्ट्रवादी दोन्ही पक्षांनी या पोटनिवडणुकीसाठी आपले उमेदवार घोषित केले आहेत. पंढरपूर विधानसभा पोटनिवडणुकीसाठी भाजपकडून समाधान आवताडे यांना उमेदवारी देण्यात आली आहे. तर राष्ट्रवादी काँग्रेसकडून भगीरथ भारत भालके यांना उमेदवारी घोषित करण्यात आली आहे. त्यामुळे पंढरपूर-मंगळवेढा मतदारसंघाची पोटनिवडणूक चुरशीची होणार असल्याचं दिसून येत आहे.
राष्ट्रवादी काँग्रेसकडून निवडणूक लढण्यासाठी अनेक जण इच्छुक होते. मात्र, भगीरथ भालके यांनाच उमेदवारी देण्यात यावी, असा आग्रह कार्यकर्त्यांतून केला जात होता. त्यामुळं पक्षासमोरचा पेच वाढला होता. राष्ट्रवादीचे सर्वेसर्वा शरद पवार हे तासगाव पॅटर्नप्रमाणे दिवंगत आमदार भारत भालके यांच्या पत्नी जयश्री भालके यांना उमेदवारी देण्यासाठी आग्रही होते. तर आधी राष्ट्रवादी निवडणुकीत कोणता उमेदवार उतरवणार हे पाहून त्यानंतरच आपण उमेदवार द्यायचा, अशी रणनीती भाजपनं आखली होती. मात्र, बराच काळ वाट पाहिल्यानंतरही राष्ट्रवादीनं उमेदवार जाहीर केला नसल्यानं भाजपकडून समाधान आवताडे यांना उमेदवारी देण्यात आली. तर अखेरीस राष्ट्रवादीनं भगीरथ भालके यांना उमेदवारी जाहीर केली आहे. भगीरथ हे दिवंगत आमदार भारत भालके यांचे पुत्र आणि विठ्ठल सहकारी साखर कारखान्याचे अध्यक्ष आहेत. ते उद्या दाखल करणार उमेदवारी अर्ज दाखल करणार असल्याची माहिती मिळत आहे.
![Devendra Fadnavis : दिल्ली दौऱ्यावरआधी देवेंद्र फडणवीस नागपूरला रवाना](https://feeds.abplive.com/onecms/images/uploaded-images/2024/06/06/42cccabaf240efc7275d421f0b009de2171765721745790_original.jpg?impolicy=abp_cdn&imwidth=470)
![Sanjay Raut Full Pc : मोदींनी सत्ता स्थापन करून पंतप्रधानपद घेतलं तरी त्यांचं सरकार टिकणार नाही](https://feeds.abplive.com/onecms/images/uploaded-images/2024/06/06/1fb3d1f8e382026e3de5ab8610307f07171765388229990_original.jpg?impolicy=abp_cdn&imwidth=100)
![Devendra Fadnavis : देवेंद्र फडणवीस आज दिल्लीला जाणार; पंतप्रधान मोदी, अमित शाह यांची भेट घेणार](https://feeds.abplive.com/onecms/images/uploaded-images/2024/06/06/6ca221ef03ae5c48274ff648616a212a171764748582090_original.jpg?impolicy=abp_cdn&imwidth=100)
![PM Modi elected as NDA Leader : सत्तास्थापनेच्या हालचालींना वेग, NDAच्या नेतेपदी Modi यांची निवड](https://feeds.abplive.com/onecms/images/uploaded-images/2024/06/05/f1b4681ef04ab32997972b87d82693111717604285875261_original.jpg?impolicy=abp_cdn&imwidth=100)
![Chhagan Bhujbal on Devendra Fadnavis : महायुतीचं जहाज वादळात,कॅप्टनने बाजूला होऊन चालणार नाही](https://feeds.abplive.com/onecms/images/uploaded-images/2024/06/05/492113a151f5e02818bf028861bafaa71717592387204261_original.jpg?impolicy=abp_cdn&imwidth=100)
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)