Dabholkar Case | डॉ. नरेंद्र दाभोलकरांची हत्या करण्यात आलेलं पिस्तूल सीबीआयच्या हाती

अंधश्रद्धा निर्मुलन समितीचे संस्थापक नरेंद्र दाभोलकर यांच्या हत्याप्रकरणात केंद्रीय अन्वेषण विभागाच्या तपासात एक महत्वपूर्ण पुरावा हाती लागला आहे. सीबीआयच्या अधिकाऱ्यांनी अरबी समुद्राच्या तळातून एक पिस्तूल शोधून काढलं आहे. हे पिस्तुल दाभोलकरांच्या हत्येसाठी वापरण्यात आल्याची शक्यता तपास अधिकाऱ्यांनी व्यक्त केली. समुद्रात पोहण्यात निष्णात असणाऱ्या नॉर्वेतील जलतरणपटूंनी अरबी समुद्राच्या तळातून हे पिस्तुल शोधून काढलं. हे पिस्तुल न्यायवैद्यक प्रयोगशाळेत पाठवण्यात आलं.