ब्रेकफास्ट न्यूज : आता अंबाबाई मंदिरात सर्व जातींचे पुजारी नेमणार!

कोल्हापूरच्या अंबाबाई मंदिरात सर्व जातीचे पुजारी नेमण्यात येणार असल्याचा क्रांतिकारी निर्णय देवस्थान समितीने घेतला आहे. मंदिरातील पगारी पुजारीपदासाठी 113 अर्ज आले आहेत. त्यापैकी 6 अर्ज हे महिला पुजाऱ्यांची असल्याची माहिती देवस्थान समितीचे अध्यक्ष महेश जाधव यांनी दिली आहे. मंगळवारपासून अर्ज केलेल्या पुजाऱ्यांच्या मुलाखतींना सुरुवात होणार आहे. तर दुसरीकडे अंबाबाई मंदिरात पगारी पुजारी नेमण्याची प्रक्रिया बेकायदेशीर असल्याचा आरोप पुजारी हटाव कृती समितीने दिला आहे आणि पगारी पुजारी नेमण्याच्या मुलाखती झाल्याच तर त्या उधळून लावण्याचा इशाराही कृती समितीने दिला आहे.