Lonavala Picnic Tragedy : अतिउत्साहाच्या भरात, आयष्य पाण्यात; पर्यटन करताना जिवाशी खेळ कशाला?

पावसाळा आला की, अनेकजण वर्षासहलींचं आयोजन करतात... त्यातही धबधब्यांच्या पर्यटनस्थळांना पसंती दिली जाते... मात्र, या धबधब्यांच्या ठिकाणी काहीजणांचा अतिउत्साह त्यांच्या आयुष्याची दोरी कापण्यास कारणीभूत ठरतो... गेल्या काही दिवसांत अशाच घटना घडल्यायत... ज्यामुळे महाराष्ट्रभर हळहळ तर व्यक्त झालीच... पण, पर्यटनाला गेल्यावर जबाबदारीचं भान बाळगण्याची गरज असल्याचंही यानिमित्ताने समोर आलंय...  

भुशी डॅमनंतर ताम्हिणी घाटातही तेच घडलं, धबधब्यात उडी मारणाऱ्या राष्ट्रीय खेळाडूने जीव गमावला, भोसरीच्या तरुणाचा व्हिडीओ व्हायरल

पुणे :  वर्षा पर्यटनासाठी  लोणावळ्याला भुशी डॅमला (Lonavala Bhushi Dam)  गेलेल्या चौघांचा बुडून मृत्यू झालाय तर एकाचा शोध सुरू आहे. ही घटना ताजी असताना पुण्यातील ताम्हिणी घाटातील एक दुर्घटना समोर आली आहे. ताम्हिणी घाटात (Tamhini Ghat) एक तरुण वाहून गेल्याची धक्कादायक बातमी समोर आली आहे. हा तरुण आपल्या जिममधील 32 जणांच्या ग्रुपसोबत ताम्हिणी घाटात फिरण्यासाठी गेला.