उत्तर प्रदेश निवडणुकीआधी संघाचं मंथन! चिंतन शिबिरात आखली जातेय निवडणुकांची रणनीती? स्पेशल रिपोर्ट

चित्रकुट : पुढच्या वर्षी फेब्रुवारी- मार्चमध्ये होणाऱ्या उत्तर प्रदेशच्या निवडणुका या भाजपसाठी महत्वाच्या आहेत. उत्तर प्रदेशात पुन्हा योगी सरकार स्थापन होणार की नाही यावरच 2024 च्या दृष्टीनंही संकेत मिळणार आहेत. त्याच पार्श्वभूमीवर संघाचं एक महत्वाचं चिंतन शिबीर सध्या मध्य प्रदेशात सुरु आहे. आगामी यूपी निवडणुका, केंद्रात संघाच्या अजेंड्यावर असलेल्या कायद्यांची आवश्यकता आणि कोरोनाची तिसरी लाट हे प्रमुख मुद्दे या बैठकीत मांडले जातायत. धर्म, संस्कृती आणि सत्ताकारण या तीनही आघाड्यांवर संघाचं हे मंथन सुरु आहे.