Ghatkopar Hoarding Accident Special Report : कुणाचा लेक गेला...कुणाचा भाऊ...मुंबापुरीत मृत्यू कोसळला

मुंबई : दाटून आलेले कंठ, अश्रू वाहून कोरडे पडलेले डोळे अन् आपलं जिवाभावाचं माणूस गेल्याने आयुष्यात आणि अख्ख्या भवतालात आलेलं रितेपण. ही परिस्थिती आहे, घाटकोपर दुर्घटनेत आपली जीवाभावाची माणसं गमावलेल्या कुटुंबियांची. मुंबईतील घाटकोपरमध्ये सोमवारी होर्डिंग कोसळून मोठी दुर्घटना घडली. या अपघातातील मृतांची संख्या 14 वर गेली असून 74 जणांना वाचवण्यात यश आलं आहे. घाटकोपरच्या पोलीस मैदानावरील पेट्रोल पंपावर 250 टन वजनाचे बेकायदेशीर जाहिरात होर्डिंग अचानक वादळानंतर कोसळलं. या दुर्घटनेमुळे अनेक जणांचे संसार उघड्यावर पडले आहेत.