Vijay Wadettiwar : राज्यातील महिलांच्या प्रश्नांवरुन विजय वडेट्टीवार आक्रमक

रायगड जिल्ह्यात एकाच दिवशी सहा बलात्काराचे गुन्हे दाखल झाले आहेत. या घटनेमुळे राज्यातील कायदा सुव्यवस्थेवर प्रश्नचिन्ह निर्माण झाले आहे. महिलांवरील अत्याचार वाढत असताना शक्ती कायदा का लागू केला जात नाही, असा प्रश्न उपस्थित करण्यात आला आहे. आघाडी सरकारने मंजूर केलेला शक्ती कायदा लागू करण्याची मागणी करण्यात आली आहे. केंद्राने केलेल्या निर्भया कायद्याची अंमलबजावणी प्रभावीपणे होत नसल्याचे नमूद करण्यात आले. एकाच जिल्ह्यात एका दिवशी सहा बलात्काराचे गुन्हे दाखल होत असतील, तर महिला या राज्यात सुरक्षित आहेत का, असा प्रश्न सरकारला विचारण्यात आला. गृह खात्याच्या अपयशावर बोट ठेवण्यात आले. गृह खातेच याला जबाबदार असल्याचे म्हटले आहे. "जर कायद्याचा धाक आहे तर सरकारने याचं उत्तर दिलं पाहिजे," असे मत व्यक्त करण्यात आले. या अधिवेशनात शक्ती कायदा लागू करण्याची मागणी करण्यात येणार आहे.