Pune Accident Video | देहूते-येलवाडी रस्त्यावर 3 तासात 9 अपघात, प्रशासनाच्या 'मलमपट्टी'चा फटका

देहूते-येलवाडी रस्त्यावर प्रशासनाने केलेल्या तात्पुरत्या दुरुस्तीमुळे गंभीर परिस्थिती निर्माण झाली आहे. रस्त्यावरील खड्डे बुजवण्यासाठी मुरूम टाकण्यात आला होता. मात्र, पावसामुळे या मुरुमाचा चिखल झाला. या चिखलामुळे देहूते-येलवाडी रस्त्यावर एकाच ठिकाणी तीन तासांत तब्बल दहा अपघात झाले. सुदैवाने या अपघातांमध्ये कोणतीही जीवितहानी झाली नाही. मात्र, स्थानिकांनी प्रशासनाच्या कार्यपद्धतीवर तीव्र नाराजी व्यक्त केली आहे. "प्रशासन काही कुणाचा जीव जाण्याची वाट पाहतंय का?" असा प्रश्न स्थानिकांनी उपस्थित केला आहे. तात्पुरती मलमपट्टी करण्याऐवजी खड्डे कायमस्वरूपी बुजवून अपघातांवर तोडगा काढण्याची मागणी नागरिकांनी केली आहे. हायवेवरील खड्ड्यांमध्ये पेव्हर ब्लॉक बसवणे किंवा मुरूम टाकणे यासारखा भोंगळ कारभार प्रशासनाने थांबवावा, अशी अपेक्षा व्यक्त केली जात आहे. नाजीम मुल्ला यांनी या घटनेची माहिती दिली.