Belgaum Family Death| बेळगावमध्ये एकाच कुटुंबातील तिघांची अंत

बेळगाव शहरात एक मन सुन्न करणारी आणि हृदयद्रावक घटना घडली आहे. शहरातील जोशीमाळा परिसरातील कुराडेकर कुटुंबातील चौघांनी आज सकाळी नऊ वाजता विषप्राशन करून आत्महत्या करण्याचा प्रयत्न केला. या घटनेत कुटुंबातील संतोष कुराडेकर, सुमना कुराडेकर आणि मंगला कुराडेकर या तिघांचा दुर्दैवी मृत्यू झाला आहे. तर याच कुटुंबातील सुनंदा कुराडेकर या मुलीची प्रकृती गंभीर असून तिच्यावर तातडीने उपचार सुरू आहेत. एकाच कुटुंबातील तिघांचा मृत्यू झाल्याने बेळगाव शहरात आणि विशेषतः जोशीमाळा परिसरात तीव्र हळहळ व्यक्त होत आहे. या घटनेमागील नेमके कारण अद्याप स्पष्ट झालेले नाही, पोलीस या प्रकरणाचा अधिक तपास करत आहेत. कुटुंबाने हे टोकाचे पाऊल का उचलले, याचा शोध पोलीस घेत असून, या घटनेने संपूर्ण परिसरात शोककळा पसरली आहे. स्थानिक नागरिक या घटनेने स्तब्ध झाले आहेत.