Vivo T3 5G Smartphone : जबरदस्त फीचर्स आणि 50MP कॅमेऱ्यासह Vivo T3 5G स्मार्टफोन 'या' दिवशी होणार लॉन्च; किंमत माहितीये?
Vivo T3 5G Smartphone : लीक झालेल्या रिपोर्टनुसार, या स्मार्टफोनच्या मागील बाजूस ट्रिपल कॅमेरा सेटअप असू शकतो.
Vivo T3 5G Smartphone : Vivo च्या चाहत्यांची संख्या तरूणाईत प्रचंड आहे. तुम्ही देखील विवो स्मार्टफोनचे चाहते असाल तर तुमच्यासाठी चांगली बातमी आहे. कारण विवोचा एक नवीन स्मार्टफोन पुढील आठवड्यात भारतात लॉन्च होणार आहे. या स्मार्टफोनचे नाव Vivo T3 5G असेल. हा स्मार्टफोन लॉन्च होण्याची तारीख जाहीर करण्यात आली आहे. कंपनीने या फोनची मायक्रोसाइट फ्लिपकार्टवर लाईव्ह केली आहे, ज्याद्वारे लवकरच या फोनच्या लॉन्चसह, डिझाईन आणि काही वैशिष्ट्ये देखील समोर आली आहेत. याशिवाय Vivo ने आपल्या अधिकृत X (पूर्वीचे Twitter) द्वारे या फोनची लॉन्च तारीख जाहीर केली आहे.
Vivo चा नवीन मिडरेंज स्मार्टफोन
Vivo T3 5G भारतात 21 मार्च रोजी लॉन्च होईल. या फोनच्या मायक्रोसाईटमध्ये असा दावा करण्यात आला आहे की हा Vivo स्मार्टफोन त्याच्या सेगमेंटमधील पहिला फोन असेल, जो MediaTek SoC चिपसेटसह येईल. Vivo चा हा फोन मिडरेंज सेगमेंटचा असू शकतो, ज्याची किंमत 15 ते 20 हजार रुपयांच्या दरम्यान असू शकते.
कंपनीने या फोनचा टीझर देखील जारी केला आहे, ज्यानुसार हा या सेगमेंटमधील पहिला Sony IMX सेंसर असेल, जो OIS सपोर्टसह येईल. तथापि, कंपनीने या फोनमध्ये सापडलेल्या मुख्य कॅमेरा सेन्सरचे पूर्ण नाव अद्याप उघड केलेले नाही. कंपनी 16 मार्च रोजी या फोनचा चिपसेट आणि 18 मार्च रोजी कॅमेरा तपशील उघड करेल.
डिस्प्ले आणि प्रोसेसर
या Vivo फोनच्या संभाव्य वैशिष्ट्यांबद्दल बोलायचे झाल्यास, कंपनी 6.7 इंचाचा AMOLED डिस्प्ले देऊ शकते, जो FHD+ रिझोल्यूशनसह येईल. या फोनचा AMOLED पॅनल 120Hz रिफ्रेश दर आणि 1800 nits च्या पीक ब्राइटनेससह येऊ शकतो. या फोनबद्दल काही लीक झालेल्या रिपोर्ट्सनुसार, प्रोसेसरसाठी MediaTek Dimensity 7200 SoC चिपसेट वापरला जाऊ शकतो. यात 4nm चिपसेट आणि 8GB रॅम, 128GB आणि 256GB चे दोन स्टोरेज व्हेरियंट दिले जाऊ शकतात.
कॅमेरा आणि बॅटरी
लीक झालेल्या रिपोर्टनुसार, या स्मार्टफोनच्या मागील बाजूस ट्रिपल कॅमेरा सेटअप असू शकतो. ज्याचा मुख्य कॅमेरा 50MP Sony IMX 882 सेंसर आणि OIS सपोर्टसह येऊ शकतो. या फोनचा दुसरा कॅमेरा 8MP अल्ट्रा-वाइड अँगल लेन्ससह येऊ शकतो आणि तिसरा कॅमेरा 2MP बुके लेन्ससह येऊ शकतो. या स्मार्टफोनच्या पुढच्या भागात सेंट्रेड पंच होल कटआउट असेल, जो सेल्फी कॅमेरासाठी असेल. फोनमध्ये 5000mAh बॅटरी असेल, जी 44W वायर्ड फास्ट चार्जिंग सपोर्टसह येईल.
महत्त्वाच्या बातम्या :
भाजीविक्रेत्यापासून ते महागड्या दुकानांत वापरात येणाऱ्या Paytm Soundbox ची किंमत नेमकी किती? आकडा ऐकून तुम्हीही चकित व्हाल
महत्त्वाच्या बातम्या
ट्रेंडिंग न्यूज
