Smartphone Tips : तुमचा मोबाईल वारंवार हँग होतोय? फाॅलो करा 'या' टिप्स
अनेक वेळा स्मार्टफोन वापरादरम्यान हँग होऊ लागतात. अशा वेळी काय करावे कळत नाही. कधीकधी ते इतके हळू काम करू लागते की तुम्ही अस्वस्थ व्हाल.
Phone Hang Solution : अनेक वेळा स्मार्टफोन वापरादरम्यान हँग होऊ लागतात. कधीकधी ते इतके हळू काम करू लागते की तुम्ही अस्वस्थ व्हाल. तुम्हालाही अशाच समस्येचा सामना करावा लागत आहे का? जर होय, तर तुम्हाला त्यासाठी काही गोष्टींची काळजी घेणे गरजेचे आहे. तरच तुम्ही या समस्येपासून मुक्त होऊ शकाल. सर्व प्रथम, हे समजले पाहिजे की स्मार्टफोनमध्ये असे का होत आहे. कधी कधी आपल्या चुकीमुळे सुद्धा अँड्रॉईड स्मार्टफोन स्लो होतो.
- स्मार्टफोन जलद करण्यासाठी, सर्वप्रथम, डिव्हाइसमध्ये पुरेसे स्टोरेज तयार करणे आवश्यक आहे. म्हणजे त्यात पुरेशी जागा उरली पाहिजे. स्टोरेज पूर्ण भरल्यावर स्मार्टफोन नीट काम करत नाही. म्हणूनच तुम्हाला आधी स्टोरेजची समस्या सोडवावी लागेल.
- फोनमधील स्टोरेज लक्षात घेऊन अॅप इन्स्टॉल केले पाहिजे. तुमच्या फोनमध्ये जास्त अॅप्स असतील तर फोन स्लो होऊ शकतो.
- जेव्हा फोनमध्ये अनेक अॅप्स असतात आणि फोन हळूहळू काम करू लागतो, तेव्हा तुम्ही वापरत असलेल्या फोनमध्ये किती अॅप्स आहेत ते पाहा. कोणतेही अॅप उपयुक्त नसल्यास ते अनइन्स्टॉल करा.
- गुगल प्ले स्टोअरमध्ये अनेक लाइव्ह वॉल पेपर्स उपलब्ध आहेत. लाइव्ह वॉल पेपरमुळे स्मार्टफोनचा वेग कमी होतो. जर तुम्हाला फोनचा वेग कमी होण्यापासून वाचवायचा असेल तर सामान्य वॉल पेपर आणि होम स्क्रीन वापरा.
- आपण वेळोवेळी अधिक वापरत असलेल्या अॅपची कॅशे फाइल नेहमी साफ करत रहा.
- स्टोरेज रिकामे केल्यावर, वेळोवेळी Google Play Store वर जाऊन तुमच्या स्मार्टफोनचे अॅप्स अपडेट करा. स्मार्टफोन अपडेट ठेवल्याने त्याची कार्यक्षमता सुधारेल.
- फोनमधून अनावश्यक अॅप्स तात्पुरते अनइंस्टॉल करा. जेव्हा गरजेचे असेल तेव्हा पुन्हा इंस्टॉल करु शकता.
- तसेच फोनमध्ये फोटो सेव्ह करताना 'गुगल ड्राइव्ह' किंवा 'क्लाउड'मध्ये सेव्ह करा. यामुळे फोन मेमरी फोटोंनी भरणार नाही. आणि तुमचा फोन देखील हँग होणार नाही.
- तुम्ही प्रत्येक वेळी डाउनलोड केलेला डेटा नेहमी उपयुक्त किंवा पुन्हा वापरता येणार नाही. काम झाल्यानंतर डाउनलोड डेटा डिलीट करुन टाका.
- कोणत्याही स्मार्टफोनचा वेग चांगला असण्यासाठी त्याची रॅमही चांगली असने गरजेचे आहे. चांगली रॅम आणि कमी अॅप्समुळे तुमच्या स्मार्टफोनचा स्पीड खूप चांगला राहतो. फोन RAM पेक्षा जास्त अपलोड करू नका.
- जेव्हा स्मार्टफोन खूप हँग होऊ लागतो, तेव्हा तुम्ही मोबाईल रीस्टार्ट देखील करू शकता. रीस्टार्ट केल्याने तुम्हाला खूप फायदा होऊ शकतो.
इतर महत्वाच्या बातम्या
Redmi 12 5G Launch : Redmi 12 5G 1 ऑगस्ट रोजी भारतात होणार लाँच , जाणून घ्या भन्नाट फिचर्सबद्दल
महत्त्वाच्या बातम्या
