Realme 12 Smartphone : Realme 12 आणि Realme 12 Plus 5G स्मार्टपोन भारतात लॉन्च; फिचर्सपासून किंमतीपर्यंत सर्व अपडेट्स एका क्लिकवर...
Realme 12 Smartphone : Realme ने भारतात आपले दोन नवीन स्मार्टफोन लॉन्च केले आहेत.
Realme 12 Smartphone : Realme ने भारतात एक नवीन स्मार्टफोन (Smartphone) सीरिज सादर केली आहे. कंपनीने या सीरिजद्वारे आपले दोन स्मार्टफोन लॉन्च केले आहेत. या स्मार्टफोन्सची नावे Realme 12 5G आणि Realme 12+ Plus 5G अशी आहेत. कंपनीने हे दोन्ही स्मार्टफोन मिडरेंज प्राईस सेगमेंटमध्ये लॉन्च केले आहेत. या दोन स्मार्टफोनची वैशिष्ट्य नेमकी कोणती आहेत या संदर्भात अधिक माहिती जाणून घेऊयात.
दोन्ही स्मार्टफोनची किंमत किती?
Realme 12 5G दोन व्हेरिएंटमध्ये सादर करण्यात आला आहे. पहिला व्हेरिएंट 6GB RAM/128GB स्टोरेजसह येतो, ज्याची किंमत 16,999 आहे. तर, दुसरा व्हेरिएंट 8GB RAM/128GB स्टोरेजसह येतो, ज्याची किंमत 17,999 रुपये आहे. कंपनीने हा स्मार्टफोन वुडलँड ग्रीन आणि ट्वायलाइट पर्पल कलरमध्ये लॉन्च केला आहे.
कंपनीने Realme 12+ 5G दोन व्हेरिएंटमध्ये देखील सादर केला आहे. त्याचा पहिला व्हेरिएंट ₹ 20,999 मध्ये येतो. यामध्ये यूजर्सना 8GB RAM / 128GB स्टोरेजसह व्हेरिएंट मिळेल. त्याच वेळी, या स्मार्टफोनचा दुसरा व्हेरिएंट 8GB RAM/256GB स्टोरेजसह येतो, ज्याची किंमत 21,999 रुपये आहे. कंपनीने हा मिडरेंज फोन नेव्हिगेटर बेज आणि पायोनियर ग्रीन कलरमध्ये सादर केला आहे.
दोन्ही स्मार्टफोनवर ऑफर उपलब्ध आहेत
हे दोन्ही स्मार्टफोन आज दुपारी 3 वाजल्यापासून फ्लिपकार्ट आणि रियलमीच्या अधिकृत वेबसाईटवरून खरेदी केले जाऊ शकतात. जे यूजर्स एसबीआय, एचडीएफसी आणि आयसीआयसीआय बँक कार्डद्वारे पैसे देऊन हा स्मार्टफोन खरेदी करतात त्यांना कंपनीकडून 1000 रुपयांची त्वरित सूट देखील दिली जाईल.
Realme 12 5G चे तपशील
डिस्प्ले : या फोनमध्ये 6.72 इंच डिस्प्ले आहे, ज्याचा रिफ्रेश रेट 120Hz आहे. या फोनची पीक ब्राइटनेस 950 nits आहे.
कॅमेरा : या फोनच्या मागील बाजूस दोन कॅमेरा सेन्सर देण्यात आले आहेत, ज्याचा मुख्य कॅमेरा 108MP आणि दुसरा कॅमेरा 2MP पोर्ट्रेट लेन्ससह येतो. या फोनच्या पुढील भागात सेल्फी आणि व्हिडिओ कॉलिंगसाठी 8MP फ्रंट कॅमेरा आहे.
प्रोसेसर : प्रोसेसरसाठी MediaTek Dimensity 6100+ 5G चिपसेट वापरण्यात आला आहे.
ऑपरेटिंग सिस्टम : हा फोन Android 14 वर आधारित Realme UI 5.0 OS वर चालतो.
बॅटरी : या फोनमध्ये 45W फास्ट चार्जिंग सपोर्टसह 5000mAh बॅटरी आहे.
विशेष वैशिष्ट्ये : Realme 12 5G फोन IP54 पाणी आणि धूळ प्रतिरोधक कोटिंग आणि Microsoft च्या Phonelimp ॲप सपोर्टसह येतो.
Realme 12+ 5G चे डिटेल्स
डिस्प्ले : या फोनमध्ये 6.67 इंच अल्ट्रा-स्मूथ AMOLED डिस्प्ले आहे, जो 120Hz च्या रिफ्रेश रेटसह येतो. या फोनची पीक ब्राइटनेस 2000 nits आहे. या डिस्प्लेचा रिफ्रेश दर 120Hz आहे.
कॅमेरा : या फोनच्या मागील बाजूस ट्रिपल कॅमेरा सेटअप देण्यात आला आहे, ज्याचा मुख्य फोन 50MP Sony LYT 600 सेन्सर आणि OIS सपोर्टसह येतो. त्याचा दुसरा कॅमेरा 8MP अल्ट्रा वाइड अँगल आणि 2MP मॅक्रो सेन्सरसह येतो. सेल्फी आणि व्हिडिओ कॉलिंगसाठी फोनमध्ये 16MP फ्रंट कॅमेरा आहे.
प्रोसेसर : प्रोसेसरसाठी MediaTek Dimensity 7050 5G चिपसेट वापरण्यात आला आहे. यात 3D VC कूलिंग सिस्टम आहे, जी फोनवर हेवी-लोड गेमिंग दरम्यान उपयुक्त आहे.
ऑपरेटिंग सिस्टम : हा फोन Android 14 वर आधारित Realme UI 5.0 OS वर चालतो.
बॅटरी : या फोनमध्ये 67W फास्ट चार्जिंग सपोर्टसह 5000mAh बॅटरी आहे.
विशेष वैशिष्ट्य : Realme 12+ 5G मध्ये एक स्मार्ट रेनवॉटर टच वैशिष्ट्य आहे, ज्यामुळे वापरकर्ते हा फोन पावसात किंवा ओल्या हाताने देखील वापरू शकतात.
महत्त्वाच्या बातम्या :
Anant Ambani Watch : मार्क झुकरबर्गच्या पत्नीला अनंत अंबानीच्या घडाळ्याची भुरळ; किंमत जाणून तुम्हालाही आश्चर्याचा धक्का बसेल
महत्त्वाच्या बातम्या
