Best Smartphones: 200MP कॅमेरा आणि 256GB स्टोरेज, प्रीमियम फोनमध्ये हे आहे सर्वोत्तम पर्याय
Best Smartphones: सॅमसंगने काही दिवसांपूर्वी Galaxy S23 सीरीज लॉन्च केली होती. या अंतर्गत कंपनीने तीन स्मार्टफोन लॉन्च केले होते.
Best Smartphones: सॅमसंगने काही दिवसांपूर्वी Galaxy S23 सीरीज लॉन्च केली होती. या अंतर्गत कंपनीने तीन स्मार्टफोन लॉन्च केले होते. पहिला Samsung Galaxy S23, दुसरा Galaxy S23 Plus आणि तिसरा Galaxy S23 Ultra आहे. ही प्रीमियम सीरीज 75,000 रुपयांपासून सुरू होते आणि 1,55,000 रुपयांपर्यंत जाते. मात्र सगळ्यांनाच हे फोन खरेदी कारण शक्य नाही आहे. जर तुम्हीही अशी व्यक्ती असाल ज्याला कमी पैशात फ्लॅगशिप फोनची फीचर्स आणि सुविधांचा आनंद घ्यायचा असेल तर आम्ही तुम्हाला काही उत्तम पर्याय सांगणार आहोत. या स्मार्टफोन्समध्ये तुम्हाला 5000mah पर्यंतची बॅटरी, 200 मेगापिक्सेल कॅमेरा, उत्तम ऑपरेटिंग सिस्टम आणि डिस्प्ले मिळतात.
Google Pixel 7 5G
Google Pixel 7 5G कंपनीने गेल्या वर्षी लॉन्च केला होता. या स्मार्टफोनमध्ये तुम्हाला 6.3 इंच फुल एचडी प्लस डिस्प्ले मिळत आहे. Google Pixel 7 5G 8GB रॅम आणि 128GB अंतर्गत स्टोरेजसह येतो. मोबाइल फोनच्या मागील बाजूस ड्युअल कॅमेरा सेटअप दिसत आहे. ज्यामध्ये 50-मेगापिक्सेलचा प्रायमरी कॅमेरा आणि 12-मेगापिक्सेलचा सेकंडरी कॅमेरा आहे. त्याचप्रमाणे तुम्हाला समोर 10.8 मेगापिक्सेल कॅमेरा मिळेल. हा स्मार्टफोन Google Tensor G2 प्रोसेसरवर काम करतो. स्मार्टफोनमध्ये तुम्हाला कंपनीकडून 3 वर्षांसाठी Android OS अपडेट्स आणि 4 वर्षांसाठी सिक्युरिटी पॅच अपडेट मिळतात. Amazon वर Google Pixel 7A ची किंमत 53,290 रुपये आहे. तुम्ही एक्सचेंज ऑफर अंतर्गत 18,050 रुपयांपर्यंत बचत करू शकता.
Motorola Edge 30 Ultra 5G
Motorola Edge 30 Ultra 5G ची किंमत 54,999 रुपये आहे. ही किंमत याच्या 8GB रॅम आणि 128GB अंतर्गत स्टोरेज व्हेरिएंटची आहे. स्मार्टफोनमध्ये तुम्हाला 6.6-इंचाचा फुल एचडी प्लस डिस्प्ले मिळत आहे. हा मोबाईल फोन क्वालकॉम स्नॅपड्रॅगन 8 प्लस जनरेशन 1 प्रोसेसरवर काम करतो. या स्मार्टफोनची सर्वात महत्त्वाची गोष्ट म्हणजे याचा कॅमेरा. यामध्ये तुम्हाला ट्रिपल रिअर कॅमेरा सेटअप मिळेल, ज्यामध्ये 200 मेगापिक्सलचा प्रायमरी कॅमेरा, 50 मेगापिक्सलचा अल्ट्रा वाइड कॅमेरा आणि 12 मेगापिक्सलचा तिसरा कॅमेरा आहे. त्याचप्रमाणे समोर तुम्हाला सेल्फी आणि व्हिडीओ कॉलिंगसाठी 60-मेगापिक्सेलचा कॅमेरा मिळत आहे. या किंमतीत अशा प्रकारचा कॅमेरा सेटअप मिळणे खूप अवघड आहे.
OnePlus 11 5G
OnePlus 11 5G नुकतेच रिलीज झाले आहे. या स्मार्टफोनची विक्री सुरू झाली आहे. OnePlus 11 5G मध्ये, तुम्हाला Snapdragon 8 Generation 2 SoC चा सपोर्ट मिळतो. मोबाईल फोन 16GB पर्यंत रॅम आणि 256GB पर्यंत अंतर्गत स्टोरेजसह येतो. यामध्ये तुम्हाला 5000 mAh बॅटरी आणि 100 वॉट चार्जिंग मिळते. OnePlus 11 5G मध्ये तुम्हाला 50 मेगापिक्सलचा प्रायमरी कॅमेरा, 48 मेगापिक्सलचा अल्ट्रा वाइड कॅमेरा आणि 32 मेगापिक्सेलचा टेलीफोटो लेन्स मिळतो. फ्रंटमध्ये सेल्फी आणि व्हिडीओ कॉलिंगसाठी 16-मेगापिक्सल कॅमेरा देण्यात आला आहे. स्मार्टफोनमध्ये तुम्हाला कॉर्निंग गोरिल्ला ग्लास व्हिक्टसचे संरक्षण देण्यात आले आहे.
iQOO 11 5G
iQOO 11 5G नुकताच लॉन्च झाला आहे. या स्मार्टफोनच्या 8GB रॅम आणि 256GB इंटरनल स्टोरेज व्हेरिएंटची किंमत 59,999 रुपये आहे. तुम्हाला मोबाईल फोनमध्ये Snapdragon 8 Generation 2 SoC चा सपोर्ट मिळतो. iQOO 11 5G मध्ये तुम्हाला 50 मेगापिक्सेलचा प्रायमरी कॅमेरा, 8 मेगापिक्सेल अल्ट्रा वाइड कॅमेरा आणि 13 मेगापिक्सेलचा टेलीफोटो कॅमेरा मिळतो. तर फ्रंटला 16-मेगापिक्सल कॅमेरा देण्यात आला आहे.
महत्त्वाच्या बातम्या
ट्रेंडिंग न्यूज
