Android Mobiles Tips : सावधान ! तुमच्या अॅण्ड्राईड मोबाईलमधील 'या' सर्व सेटिंग्स आताच बंद करा; अन्यथा डेटा जाऊ शकतो चोरीला
आपल्या अॅण्ड्राईड मोबाईलमध्ये अशा काही सेटिंग्स असतात ज्याचा आपण अत्यंत लक्षपूर्वक वापर करायला हवं. या सेटिंग्सकडे दुर्लक्ष करत असाल, तर तुमच्या मोबाईलमधील डेटा चोरीला जाऊ शकतो.
Smartphone Tips : तुमच्या हातात जो अॅण्डॉईड स्मार्टफोन (Android Smartphone) आहे त्यामध्ये अशा काही सेटिंग्स आहेत त्या ऑन करून ठेवल्यामुळे बॅटरी लवकर उतरते. अशा वेळी तुमच्या मोबाईलमधील डेटा चोरीला जाऊ शकतो. त्यामुळे तुमचा डेटा हॅक होऊ नये म्हणून 'या' सेटिंग्स ऑन असतील,तर तात्काळ बंद करा. आओएस (IOS) च्या तुलनेत अॅण्डॉईड मोबाईलला हॅक करणे जास्त सोपं असते. याचं कारण अॅण्डॉईड मोबाईल हे ओपन नेटवर्क असल्यामुळे कोणत्याही सायबर गुन्हेगाराकडून मोबाईलमध्ये घुसखोरी केली जाऊ शकते.
या सेटिंग्स करा बंद
1. आवश्यकता असेल तरच लोकेशन्सचा अॅक्सेस द्या
तुम्ही मोबाईल वापरत असताना अनेक वेबसाईट्सला भेट देता. तसेच अॅण्ड्रॉईड अॅप डाऊनलोड करण्यासाठी आणि लोकेशन अॅक्सेस देण्यासाठी बऱ्याच सेटिंग्सला परवानगी देता. परंतु, या सर्व अॅक्सेस तेव्हाच द्या जेव्हा त्याची खरच गरज असेल. तुमच्या मोबाईलमधील सर्व अॅप्सला लोकेशन अॅक्सेस दिल्यामुळे तुमची लोकेशन हिस्ट्री सर्वांना दिसून येईल. यामुळे तुमची लोकेशन हिस्ट्री कुणीही माहिती करून घेऊ शकते. या सेटिंग्स ऑन असल्यामुळे मोबाईलची बॅटरीही जास्त खर्च होते.
WiFi आणि Bluetooth ऑप्शन
तुम्ही अॅण्डॉईड युजर असला तर तुमच्या मोबाईलमध्ये WiFi आणि Bluetooth हे दोन्ही ऑप्शन्सच्या सेटिंग्स बऱ्याचदा ऑन असणार. त्यामुळे सर्वात आधी या सेटिंग्स बंद करा. हे दोन्ही ऑप्शन्स ऑन करून ठेवल्यामुळे तुमचा मोबाईल इतर कोणत्याही डिव्हाईसला कनेक्ट होऊ शकते. यामुळे तुमचा डेटा चोरीला जाऊ शकतो. यासोबत तुमच्या मोबाईलची बॅटरीही लवकर उतरते. त्यामुळे WiFi आणि Bluetooth आवश्यकता असेल तरच ऑन करा. अन्यथा बंद करा.
नोटिफिकेशन हाइड करा
आपण आपल्या मोबाईलवरून आपण बरीच कामे पूर्ण करतो. त्यामुळे मोबाईलमध्ये आपली महत्त्वाची माहिती सेव्ह असते. तसेच जगभरातील सर्व माहिती सर्च करण्यासाठी मोबाईलचाच जास्त वापर करतो. नवीन मेसेज,ओटीपी आणि पासवर्डही मोबाईलवरच मिळवला जातो. जर तुमच्या मोबाईमधील नोटीफिकेशनचा ऑप्शन ऑन असेल तर तुमची माहिती हॅक होऊ शकते. त्यामुळे हे ऑप्शन Hide करून ठेवा.
मोबाईल Location हिस्ट्रीला बंद करा
तुमच्या मोबाईलची लोकेशन हिस्ट्रीचा ऑप्शन ऑन ठेवल्यामुळे तुमच्यावर गुगलची पाळत वाढते. यामुळे कंपनीकडून मोबाईलवर विविध प्रकारच्या जाहिराती, हॉटेल्स,क्लब आणि शॉपिंग मॉल यांची माहिती दिली जाते. ही सर्व माहिती तुमच्या लोकेशनुसार मोबाईल फ्लॅश होत असते. त्यामुळे नेहमी लोकेशन हिस्ट्री बंद करून ठेवा. यासाठी तुमच्या मोबाईलमधील सेटिंग्समध्ये जाऊन गुगल अकाउंटचा ऑप्शन निवडा आणि यानंतर मॅनेज अकाउंटमध्ये जाऊन 'डेटा अॅण्ड प्रायव्हसी' च्या सेक्शनमध्ये जा आणि लोकेशन हिस्ट्री ऑन असेल, तर तात्काळ बंद करा.
महत्त्वाच्या बातम्या
