Commonwealth Games 2022 | राष्ट्रकुल क्रीडा स्पर्धेत 24 वर्षांनंतर क्रिकेटचा समावेश

राष्ट्रकुल क्रीडा स्पर्धा 27 जुलै ते सात ऑगस्ट 2002 पर्यंत इंग्लंडच्या बर्मिंगहॅममध्ये पार पडणार आहे. 24 वर्षांनी राष्ट्रकुलमध्ये पुन्हा एकदा क्रिकेटचा समावेश होणार आहे.

मुंबई : इंग्लंडमध्ये 2022 साली होणाऱ्या राष्ट्रकुल क्रीडा स्पर्धेत महिलांच्या ट्वेन्टी ट्वेन्टी क्रिकेटच्या समावेशावर शिक्कामोर्तब झालं आहे. राष्ट्रकुल क्रीडा महासंघाकडून नुकतीच याची घोषणा करण्यात आली. आयसीसीनंही याबाबत ट्वीट करुन याची माहिती दिली. त्यामुळे 24 वर्षांनी राष्ट्रकुलमध्ये पुन्हा एकदा क्रिकेटचा समावेश होणार आहे.

क्रिकेटच सर्व समाने बर्मिंहॅम येथील एजबेस्टन स्टेडियमवर खेळवण्यात येणार आहेत. यामध्ये एकूण आठ महिला संघ सहभागी होणार आहेत. याआधी 1998 च्या क्वालालंपूर राष्ट्रकुल क्रीडा स्पर्धेत क्रिकेटचा समावेश करण्यात आला होता. त्यावेळी दक्षिण आफ्रिकेने सुवर्ण पदक जिंकलं होतं.

The sport of #cricket returns to the Commonwealth Games for the first time since Kuala Lumpur in 1998. 120 female cricketers (15 players, 8 teams) will compete at #Birmingham2022 across eight match days at #Edgbaston pic.twitter.com/O7M4gK9tCu

— Commonwealth Games Federation (@thecgf) August 13, 2019

राष्ट्रकुल क्रीडा स्पर्धेचे अध्यक्ष लुईस मार्टिन यांनी याबाबत आनंद व्यक्त केला. आज राष्ट्रकुल क्रीडा स्पर्धेसाठी ऐतिहासिक दिवस आहे. राष्ट्रकुल क्रीडा स्पर्धेत क्रिकेटचा समावेश केल्याचं आम्ही स्वागत करतो. स्पर्धेत महिला टी-20 क्रिकेटसाठी राष्ट्रकुल क्रीडा स्पर्धा चांगला मंच असल्याच लुईस मार्टिन यांनी म्हटलं.

राष्ट्रकुल क्रीडा स्पर्धा 27 जुलै ते सात ऑगस्ट 2002 पर्यंत इंग्लंडच्या बर्मिंगहॅममध्ये पार पडणार आहे. राष्ट्रकुल क्रीडा स्पर्धेत 18 खेळांमधील जवळपास 45 हजार खेळाडू सहभागी होणार आहेत.