Shubman Gill on Harshit Rana: शुभमन गिल हर्षित राणाला संघातून वगळणार नाही, पण एका अटीवर! वक्तव्याने भूवया उंचावल्या

Shubman Gill on Harshit Rana: . अॅडलेडमधील दुसऱ्या सामन्यात राणाने 24 धावा केल्या, ज्यामुळे गिलला हर्षित राणाकडे अष्टपैलू म्हणून पाहू लागला. 

Shubman Gill on Harshit Rana

Source : Facebook

Shubman Gill on Harshit Rana: ऑस्ट्रेलियाविरुद्धच्या एकदिवसीय मालिकेच्या समाप्तीनंतर भारतीय क्रिकेट संघाचा कर्णधार शुभमन गिलने वेगवान गोलंदाज हर्षित राणाबद्दल एक महत्त्वपूर्ण विधान केलं आहे. गिल म्हणाला की, जर हर्षित राणा फलंदाजीने 20 ते 25 धावा देऊ शकला तर तो भारतासाठी आठव्या क्रमांकावर शोधत असलेला अष्टपैलू ठरू शकतो.

वेगवान गोलंदाज हर्षित राणाने शनिवारी ऑस्ट्रेलियाविरुद्धच्या तिसऱ्या एकदिवसीय सामन्यात कारकिर्दीतील सर्वोत्तम कामगिरी केली आणि चार विकेट्स घेतल्या. नितीश कुमार रेड्डी दुखापतीमुळे बाहेर पडला होता, परंतु हार्दिक पंड्याच्या तुलनेत त्याच्या गोलंदाजीत आवश्यक गतीचा अभाव आहे आणि आठव्या क्रमांकावर फलंदाजी अष्टपैलू म्हणून त्याचा समावेश पहिल्या दोन एकदिवसीय सामन्यांमध्ये हानिकारक ठरला. अॅडलेडमधील दुसऱ्या सामन्यात राणाने 24 धावा केल्या, ज्यामुळे गिलला हर्षित राणाकडे अष्टपैलू म्हणून पाहू लागला. 

CAPTAIN SHUBMAN GILL ON HARSHIT RANA’S SELECTION IN THE TEAM:

"The number 8 position is very important for us. A batsman coming in at that spot can contribute 20–25 valuable runs, making it a crucial role. There are very few fast bowlers who can consistently bowl at 140+ km/h,… pic.twitter.com/GYpCIl2acA

— GillTheWill (@GillTheWill77) October 25, 2025

तर 8व्या क्रमांकावर हर्षित राणा नक्की

शुभमन गिलने सामन्यानंतरच्या पत्रकार परिषदेत सांगितले की, "मला वाटते की आमच्यासाठी, जर एखादा फलंदाज 20-25 धावा करू शकला तर ते 8 व्या क्रमांकावर खूप महत्त्वाचे स्थान बनू शकते. आम्हाला विश्वास आहे की हर्षित राणा हे करू शकेल. उंच आणि 140 पेक्षा जास्त वेगाने गोलंदाजी करू शकणारे खूप कमी वेगवान गोलंदाज आहेत. म्हणून, जर आपण दक्षिण आफ्रिकेकडे पाहिले तर असे गोलंदाज अशा विकेटवर खूप महत्वाचे ठरतात." गिल पुढे म्हणाला, "मधल्या षटकांमध्ये, आम्ही पाहिले की चेंडू विकेटवरून जास्त हलत नाही, म्हणून जर तुमची लेन्थ आणि वेग चांगला असेल तर तुम्ही संधी निर्माण करू शकता आणि मला वाटते की तेच घडले." गिलने दबाव निर्माण करण्याचे श्रेय फिरकीपटूंना दिले आणि त्यानंतर राणाने विकेट घेतल्या.

इतर महत्वाच्या बातम्या