सचिन तेंडुलकरचा कडक संदेश; चाचपडत असलेल्या अन् टीकेचा सामना करत असलेल्या पृथ्वी शॉचे डोळे उघडतील?
अनुशासनहीनता आणि खराब फॉर्मच्या वृत्तामुळे शॉला गेल्या महिन्यात मुंबईच्या रणजी संघातून वगळण्यात आले. धावांबद्दल बोलायचे झाले तर सय्यद मुश्ताक अली ट्रॉफीच्या पाच डावांत शॉ दोनदा शून्यावर बाद झाला.
Sachin Tendulkar : IPL 2025 मेगा लिलावात पृथ्वी शॉला कोणत्याच संघाने बोली न लावल्याने बरीच चर्चा रंगली आहे. गेल्या आठवड्यात जेद्दाह येथे झालेल्या दोन दिवसीय लिलावात या 25 वर्षीय खेळाडूचे नाव समोर आले तेव्हा सर्व दहा फ्रँचायझींनी त्याला टाळले. अनुशासनहीनता आणि खराब फॉर्मच्या वृत्तामुळे शॉला गेल्या महिन्यात मुंबईच्या रणजी संघातून वगळण्यात आले होते. धावांबद्दल बोलायचे झाले तर सय्यद मुश्ताक अली ट्रॉफीच्या पाच डावांत शॉ दोनदा शून्यावर बाद झाला. त्याची अवस्था लक्षात घेता क्रिकेटमध्ये त्याच्या यशाची शक्यता कमी दिसते आहे.
सचिन तेंडुलकरने दिला बहुमोल सल्ला
अशा स्थितीत मास्टर ब्लास्टर सचिन तेंडुलकरने सर्व युवा भारतीय क्रिकेटपटूंना दिलेला महत्त्वाचा सल्ला त्याच्यासाठी एक मौल्यवान धडा ठरू शकतो. मंगळवारी सचिन तेंडुलकरने त्याचे माजी प्रशिक्षक रमाकांत आचरेकर यांच्या स्मरणार्थ एका स्मारकाचे उद्घाटन केले. देशातील तरुणांना संबोधित करताना त्याने शिस्तीचा धडा शेअर केला आणि त्यांना त्यांच्या किटबद्दल अधिक आदर बाळगण्यास प्रोत्साहित केले. प्रशिक्षक रमाकांत आचरेकर यांच्याकडून मिळालेला हा सर्वात मौल्यवान धडा असल्याचे त्याने नमूद केले.
सचिनने खेळाडूंना त्यांच्या क्रिकेट साहित्याचा आदर करण्यावर महत्त्वावर भर दिला. तेंडुलकर म्हणाला की, "सरांनी आम्हाला आमच्या किटचा आदर करायला शिकवले. निवृत्त झाल्यापासून मी हे बऱ्याच खेळाडूंना सांगत आलो आहे आणि मी अनेक खेळाडूंमध्ये हे पाहतो. ते (आऊट झाल्यानंतर) परत येतात. निघून जातात, बॅट फेकून देतात. या बॅटमुळेच तुम्ही या ड्रेसिंग रूममध्ये बसला आहात. तो पुढे म्हणाला की, "मला येथे अनेक तरुण क्रिकेटपटू दिसतात. कृपया लक्षात ठेवा, तुमची किट कधीही फेकू नका, मग ती बॅट असो, हातमोजे असो किंवा इतर काहीही असो. त्याचा नेहमी आदर करा. सरांनी आम्हाला लहानपणापासून दिलेले प्रशिक्षण होते आणि आम्ही त्यांचा संदेश त्यांच्याप्रमाणेच देऊ शकतो काय, मला माहित नाही. आपल्यापैकी कोणीही त्याच्या पातळीपर्यंत पोहोचू शकत नाही.
सचिन यापूर्वी शॉशी त्याच्या समस्यांबद्दल बोलला आहे, म्हणून तेंडुलकरने नमूद केल्याप्रमाणे, शिस्त मूलभूत गोष्टींपासून सुरू होते आणि शॉ तिथून सुरुवात करू शकतो. 2020 च्या सुरुवातीला बंदी घातलेल्या पदार्थाचे सेवन केल्यामुळे बीसीसीआयने पृथ्वी शॉला निलंबित केले होते. तेव्हा सचिनने शॉने मास्टर ब्लास्टरचा सल्ला गांभीर्याने घेतला नाही. कारण चार वर्षांनंतरही शॉ किंवा त्याच्या खेळात फारशी सुधारणा झाली नाही. शॉ एकेकाळी 'पुढचा सचिन तेंडुलकर' म्हणून ओळखला जात होता.ॉ
इतर महत्वाच्या बातम्या
महत्त्वाच्या बातम्या
