MS Dhoni Retires | कॅप्टन कूल धोनीच्या निवृत्तीवर सचिन, विराटची प्रतिक्रिया, म्हणाले...

धोनीने निवृत्ती जाहीर केल्यानंतर सोशल मिडीयावर शुभेच्छांचा पाऊस पडला. मास्टर ब्लास्टर सचिन तेंडुलकर, कर्णधार विराट कोहलीने धोनीला ट्वीट करत शुभेच्छा दिल्या आहेत.

मुंबई : भारतीय क्रिकेट संघाचा माजी कर्णधार आणि विकेटकिपर महेंद्रसिंग धोनी यानं आंतरराष्ट्रीय क्रिकेटमधून निवृत्ती जाहीर केली आहे. गेल्या अनेक दिवसांपासून त्याच्या निवृत्तीच्या चर्चा रंगल्या होत्या. अखेर 15 ऑगस्टच्या दिवशीच महेंद्र सिंग धोनी याने आंतरराष्ट्रीय क्रिकेटमधून निवृत्ती जाहीर केली. यशस्वी कर्णधार अशी धोनीची ओळख होती. धोनीने निवृत्ती जाहीर केल्यानंतर सोशल मिडीयावर शुभेच्छांचा पाऊस पडला. मास्टर ब्लास्टर सचिन तेंडुलकर, कर्णधार विराट कोहलीने धोनीला ट्वीट करत शुभेच्छा दिल्या आहेत.

सचिन आपल्या ट्वीटमध्ये म्हणाला, "2011 साली वानखेडे स्टेडिअमवर तुझ्यासोबत विश्वचषक जिंकणं हा माझ्या आयुष्यातील अविस्मरणीय क्षण होता. तुला तुझ्या दुसऱ्या इनिंगसाठी शुभेच्छा"

Your contribution to Indian cricket has been immense, @msdhoni. Winning the 2011 World Cup together has been the best moment of my life. Wishing you and your family all the very best for your 2nd innings. pic.twitter.com/5lRYyPFXcp

— Sachin Tendulkar (@sachin_rt) August 15, 2020

धोनीच्या निवृत्तीनंतर विराट कोहलीनं भावनिक ट्वीट केलं आहे. विराट म्हणाला,''एक दिवस प्रत्येकाचा प्रवास संपतो, परंतु तुमच्या जवळच्या व्यक्तीनं निवृत्तीचा निर्णय घेतल्यावर मन भरून येतं. लोकांनी तुझं यश पाहिलं आहे पण मी तुझ्यातला माणूस पाहिला आहे. तू या देशासाठी जे केलं आहेत, ते प्रत्येकाच्या हृदयात कायम राहिल''

Every cricketer has to end his journey one day, but still when someone you've gotten to know so closely announces that decision, you feel the emotion much more. What you've done for the country will always remain in everyone's heart...... pic.twitter.com/0CuwjwGiiS

— Virat Kohli (@imVkohli) August 15, 2020

महेंद्र सिंह धोनी पाठोपाठ आता फलंदाज सुरेश रैनाने देखील आंतरराष्ट्रीय क्रिकेट मधून निवृत्ती घोषित केली आहे. सोशल मीडियावर पोस्ट करत सुरेश रैनाने क्रिकेट मधून संन्यास घेतल्याचं जाहीर केलं आहे.

संबंधित बातम्या :