Pro Kabaddi League 2021 : यू मुंबा विरुद्ध तामिळ थलायवाजमधील सामना अनिर्णीत, तर पिंक पँथर्सचा युपी योद्धांवर विजय

Pro Kabaddi League 2021 : सोमवारी प्रो कबड्डी लीगमध्ये दोन सामने झाले. ज्यात यू मुंबा विरुद्ध तामिळ थलायवाजमधील सामना अनिर्णीत सुटला. तर जयपूर पिंक पँथर्सने युपी योद्धांवर विजय मिळवला.

यू मुंबा विरुद्ध तामिळ थलायवाज यांच्यातील सामन्यातील एक क्षण

Pro Kabaddi League 2021 : प्रो कबड्डी लीगमध्ये (Pro Kabaddi League 2021) सोमवारी दिवसभरात झालेले दोनही सामने पाहण्याजोगे होते. यावेळी दिवसातील पहिल्या सामन्यात यू मुंबा संघाने तामिळ थलायवाजविरुद्ध (U mumba vs Tamil thalaivas) अप्रतिम खेळ दाखवला. दोन्ही संघानी चांगली कामगिरी केली. ज्यामुळे सामना अनिर्णीतच सुटला. तर दुसऱ्या सामन्यात जयपूर पिंक पँथर्सने युपी योद्धांवर (Jaipur Pink Panthers vs UP Yoddha) चित्तथरारक विजय मिळवला.

यू मुंबा विरुद्ध तमिळ थलायवाज यांच्यातील सामन्यात दोन्ही संघानी सुरुवातीपासून तोडीस तोड खेळ दाखवला. ज्यामुळे अखेरपर्यंत सामन्यात कोण जिंकेल? हे सागता येत नव्हते. ज्यामुळे अखे सामना 30-30 ने बरोबरीत सुटला सामन्यात मुंबईच्या अजित कुमारने (Ajith Kumar) जबरदस्त खेळ करत 13 गुण मिळवले. ज्यामुळे त्याला सुपर रेडर म्हणून घोषित केले.

पहिला सामना अनिर्णीत सुटल्यानंतर दिवसातील दुसरा सामना मात्र जयपूरच्या संघाने खिशात घातला. जयपूर पिंक पँथर्सने यूपी योद्धा संघावर 32-29 च्या फरकाने विजय मिळवला. या सामन्यात जयपूरचा अर्जून देशवाल (Arjun Deshwal) याने 11 गुण मिळवत सुपर रेडर होण्याचा मान मिळवला.

हे ही वाचा -

मराठी लाईव्ह न्यूज सुपरफास्ट पाहा ABP Majha वर, मुंबई, पुणे, नागपूर, औरंगाबाद, मनोरंजन, क्रिकेट, देश-विदेशातील प्रत्येक बातमी सर्वात आधी एबीपी माझावर Live