पंढरपूरच्या बिली बाऊडनची हवा, अंपायरच्या मैदानावरील करामतीवर इंग्लंडचा दिग्गज खेळाडूही फिदा
सध्या सोशल मीडियावर (Social Media) एका अंपायरची हवा आहे. तो अंपायर आहे पंढरपूरचा. सोशल मीडियावर स्थानिक क्रिकेट टुर्नामेंट सामन्यात आपल्या वेगळ्या शैलीमुळे अंपायर चांगलाच प्रसिद्धी झोतात झाला आहे.
पंढरपूर : क्रिकेटमध्ये अनेक चाहते खेळाडूंच्या वेगवेगळ्या स्टाईलचे फॉलोवर्स असतात. त्यांची स्टाईल ते फॉलो करत असतात. मात्र सध्या सोशल मीडियावर (Social Media) एका अंपायरची हवा आहे. तो अंपायर आहे पंढरपूरचा. सोशल मीडियावर स्थानिक क्रिकेट टुर्नामेंट सामन्यात आपल्या वेगळ्या शैलीमुळे पंढरपूरचा अंपायर चांगलाच प्रसिद्धी झोतात झाला आहे. दीपक नाईकनवरे उर्फ DN रॉक असं या अंपायरचं नाव आहे. दीपकच्या अंपायरिंग शैलीचे लोकल टू ग्लोबल फॅन झाले आहेत. विशेष म्हणजे इंग्लंडचा माजी कर्णधार मायकल वॉन देखील दीपकचा फॅन झाला आहे. मायकल वॉननं दीपकचा एक व्हिडीओ त्याच्या ट्विटर हॅण्डलवरुन शेअर केला आहे.
Surely we need to see this chap join the ICC Elite panel .. 👍🙌🙌 pic.twitter.com/FcugJBgOEn
— Michael Vaughan (@MichaelVaughan) December 5, 2021
पंढरपूरमध्ये राहणारा दीपक सध्या महाराष्ट्र भर क्रिकेट सामन्यात आंपायर म्हणून काम करीत आहे. लहानपणापासून कलेची आवड असणाऱ्या दीपकने 2013 मध्ये डान्स महाराष्ट्र डान्समध्ये भाग ही घेतला होता. काही तरी वेगळं करून दाखवण्याचे दीपकने लहान पानापासून ठरवलं होतं आणि आज तो क्रिकेट अंपायर म्हणून राज्यभर फेमस झाला आहे. अंपायरिंग करणे हे तसेच अत्यंत जिकरीचे आणि कठीण काम आहे.
दीपक हा प्रसिद्ध अंपायर बिली बाऊडन यांचा फॅन आहे. त्यांना पाहून दीपकला वेगळ्या स्टाईलनं अंपायरिंग करण्याची प्रेरणा मिळाली. दीपक महाराष्ट्र टी - 20 स्पर्धेत प्रसिद्धी झोतात आला. त्याने एका सामन्यादरम्यान त्यांच्या वाईड बॉल अतिशय वेगळ्या पद्धतीने दिला. पुरंदर प्रीमियर लीगमधील एका सामन्यादरम्यान जेव्हा गोलंदाजाने वाइड चेंडू टाकला तेव्हा पंचांनी याचा इशारा हाताने न देता त्यांनी आपल्या पायाचा वापर केला. त्याने डोक्यावर उभे राहात त्यांचे दोन्ही पाय हातासारखे बाजूला पसरत वाईडचा निर्णय दिला.
याचा व्हिडीओ सोशल मिडीयावर व्हायरल होताच जगभर याची चर्चा झाली. कोरोना काळात टेन्शनमध्ये असणाऱ्या लोकांना हसवण्याचे काम या निमित्ताने दीपक करत आहे. त्याचं त्याला समाधान वाटतं. याबद्दल तो मिळेल तेवढं मानधन घेतो. मात्र आता त्याला त्याच्या या अतरंगी अदाकारीमुळे चांगलीच डिमांड आली आहे.
महत्त्वाच्या बातम्या
