Mohammed Shami : मोहम्मद शमी बाॅलिंगचा 'किंग कोहली' झालाय; वर्ल्डकपच्या फक्त 14 सामन्यातील चमत्कार आजवर कोणत्याच भारतीय गोलंदाजाला जमला नाही!

Mohammed Shami : भारतीय क्रिकेट संघाचा गोलंदाज मोहम्मद शमीने एकदिवसीय विश्वचषक 2023 च्या 33व्या सामन्यात तुफानी कामगिरी केली. शमीने संस्मरणीय कामगिरी करत फलंदाजांचे कंबरडे मोडले.

Mohammed Shami

मुंबई : सुरुवातीच्या तब्बल चार सामन्यात बाकावर बसवल्यानंतर मागील तीन सामन्यात तोफगोळा फेकत असलेल्या वेगवान गोलंदाज मोहम्मद शमीने आज दुसऱ्यांदा पाच विकेट घेत टीम इंडियाला विजय मिळवून दिला. श्रीलंकेविरुद्ध तब्बल 302 धावांनी विजय मिळवला. सिराजने तीन विकेट घेतल्यानंतर शमीने फक्त 13 चेंडूत चार विकेट घेत श्रीलंकेला नेस्तनाबूत केले. त्यानंतर 10व्या क्रमांकावरील रजिथाला बाद करत पाच विकेट घेतल्या. 

- India beat SL by 317 runs.
- India beat SL by 302 runs.
- India beat Pakistan by 228 runs.

The 3 biggest victories out of the Top 5 in ODIs have come under Rohit Sharma..!!! pic.twitter.com/VusNrPETGC

— Mufaddal Vohra (@mufaddal_vohra) November 2, 2023

वर्ल्डकपमध्ये सर्वाधिक विकेट घेणारा गोलंदाज 

भारतीय क्रिकेट संघाचा गोलंदाज मोहम्मद शमीने एकदिवसीय विश्वचषक 2023 च्या 33व्या सामन्यात तुफानी कामगिरी केली. शमीने संस्मरणीय कामगिरी करत फलंदाजांचे कंबरडे मोडले. शमीने एक विशेष कामगिरी केली असून वर्ल्डकपमध्ये सर्वाधिक विकेट घेणारा गोलंदाज ठरला आहे.

Mohammed Shami has taken most five wicket hauls for India in ODIs.

- Shami, the unstoppable force! pic.twitter.com/zOAVMEjwHU

— Mufaddal Vohra (@mufaddal_vohra) November 2, 2023

शमीने वनडे वर्ल्ड कपमध्ये आतापर्यंत 14 सामन्यांत 45 विकेट घेतल्या आहेत. या काळात त्याची सरासरी 12.95 होती आणि इकॉनॉमी रेट 4.90 होता. या बाबतीत त्याने माजी गोलंदाज झहीर खान आणि जवागल श्रीनाथ यांना मागे टाकले. झहीरने 23 एकदिवसीय विश्वचषक सामन्यात 4.47 च्या इकॉनॉमी रेटने 44 विकेट घेतल्या. श्रीनाथ यांनी 34 एकदिवसीय विश्वचषक सामन्यात 4.32 च्या इकॉनॉमी रेटने 44 बळी घेतले.

MOHAMMED SHAMI HAS TAKEN MOST WICKETS FOR INDIA IN WORLD CUP HISTORY....!!!! pic.twitter.com/yoIcEdK1hq

— Mufaddal Vohra (@mufaddal_vohra) November 2, 2023

तत्पूर्वी वेगवान गोलंदाज जसप्रीत बुमराहने श्रीलंकेच्या डावाच्या पहिल्या चेंडूवर विकेट घेतली. 358 धावांच्या लक्ष्याचा पाठलाग करताना बुमराहने श्रीलंका क्रिकेट संघाच्या डावाच्या पहिल्याच चेंडूवर पथुम निसांकाला (0) LBW बाद केले. यासह बुमराह वनडे विश्वचषकात संघाच्या डावाच्या पहिल्या चेंडूवर विकेट घेणारा पहिला भारतीय गोलंदाज ठरला आहे.

Most 4 wickets hauls in World Cup history:

Mohammed Shami - 7 (14 innings).

Mitchell Starc - 6 (24 innings). pic.twitter.com/5ctfOVMvo1

— Mufaddal Vohra (@mufaddal_vohra) November 2, 2023

भारतीय क्रिकेट संघाने श्रीलंका क्रिकेट संघाविरुद्ध नाणेफेक गमावल्यानंतर प्रथम फलंदाजी करताना 50 षटकात 8 गडी गमावून 357 धावा केल्या. मुंबईच्या वानखेडे स्टेडियमवर भारताच्या 3 फलंदाजांनी अर्धशतकं झळकावली, पण एकाही खेळाडूला शतक झळकावता आलं नाही. यासह भारतीय संघाने विश्वचषकात वैयक्तिक शतक न करता सर्वोच्च सांघिक धावसंख्येचा विक्रम केला आहे.

इतर महत्वाच्या बातम्या