हैदराबादनं आधी कर्णधार बदलला, आता जर्सीचा पॅटर्न बदलला, पाहा फोटो

SRH Jersey For IPL 2024 : आयपीएलच्या 17 व्या हंगामाला (IPL 2024) अवघ्या काही दिवसांचा कालावधी शिल्लक राहिलाय.

sunrisers hyderabad unveil new jersey

SRH Jersey For IPL 2024 : आयपीएलच्या 17 व्या हंगामाला (IPL 2024) अवघ्या काही दिवसांचा कालावधी शिल्लक राहिलाय. त्याआधीच सनरायजर्स हैदराबाद (SunRisers Hyderabad) संघाने मोठा निर्णय घेतला आहे. हैदराबाद संघाने आपली जर्सी बदलली आहे. सोशल मीडियावर नव्या जर्सीचा फोटो पोस्ट करण्यात आलाय. जर्सीच्या रंगात कोणताही बदल करण्यात आलेला नाही, फक्त पॅटर्न बदललाय. याआधी हैदराबाद संघाने कर्णधार बदललाय. 

हैदराबाद संघाने जर्सीच्या रंगामध्ये कोणताही बदल केला नाही. जर्सीचा नारंगी रंग तसाच ठेवण्यात आलाय. त्यामध्ये काळ्या रंगाच्या पट्ट्या आहेत.    SA20 स्पर्धेत सनरायजर्स ईस्टर्न केप (SEC) संघाच्या जर्सीसारखी जर्सी करण्यात आली आहे. जर्सीची कॉलर आणि पँट काळ्या रंगाची आहे. 

Ready to unleash the fiery heat of Hyderabad 🔥

Our 🆕 blazing armour for #IPL2024 🧡 #PlayWithFire pic.twitter.com/mMQ5SMQH6O

— SunRisers Hyderabad (@SunRisers) March 7, 2024

कर्णधार बदलला - 

ऑस्ट्रेलियाला विश्वचषक जिंकून (World cup 2023) देणाऱ्या पॅट कमिन्सला (Pat Cummins) हैदराबादनं कर्णधार केले आहे. सोमवारी हैदराबाद संघाने ट्वीट करत याबाबतची माहिती दिली. आयपीएल 24 आधी झालेल्या मिनी लिलावात हैदराबादनं पॅट कमिन्सला (Pat Cummins) 20.50 लाख रुपयांमध्ये आपल्या ताफ्यात घेतले. त्याच्याकडे आता हैदराबाद संघाची धुरा सोपवण्यात आली. गेल्या हंगामात एडन मार्करम यानं हैदराबादची धुरा संभाळली होती, त्याच्याकडून आता कर्णधारपद काढून घेतलेय. 

आयपीएल 2023 मध्ये हैदराबादची कामगिरी -

एडन मार्करम याच्या नैतृत्वात  हैदाराबद आयपीएल 2023 चा हंगामात उतरले होते. हैदराबादची कामगिरी अतिशय खराब राहिली होती. मार्करमच्या नेतृत्वात हैदराबाद संघाला 14 पैकी फक्त चार सामन्यात विजय मिळवता आळा होता. गुणतालिकात हैदराबादचा संघ दहाव्या स्थानावर राहिला होता. मागील हंगामात अतिशय खराब कामगिरी केल्यानंतर टीम मॅनेजमेंटनं कर्णधार बदलण्याचा निर्णय घेतलाय. पॅट कमिन्स जगातील यशस्वी कर्णधारापैकी एक आहे. कमिन्सच्या नेतृत्वात ऑस्ट्रेलियाने वनडे विश्वचषकावर नाव कोरले होते. त्याशिवाय कसोटी अजिंक्यपद स्पर्धाही जिंकली होती. त्यामुळे आता कमिन्सकडे नेतृत्व सोपवत हैदराबादनं आयपीएल 2024 साठी नवी रणनिती आखली आहे. कमिन्सच्या नेतृत्वात हैदराबातचा संघ कशी कामगिरी करतो? हे पाहणं औत्सुक्याचं ठरणार आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by SunRisers Hyderabad (@sunrisershyd)