आज आयपीएलमध्ये (IPL 2023) सनरायझर्स हैदराबाद (Sunrisers Hyderabad) लखनौ सुपर जायंट्स (Lucknow Super Giants) या दोन संघांमध्ये लढत पाहायला मिळणार आहे. इंडियन प्रीमियर लीगच्या सोळाव्या हंगामातील हा 58 वा सामना शनिवारी, 13 मे रोजी हैदराबाद येथे त्यांच्या घरच्या मैदानावर खेळवण्यात येईल.

सनरायजर्स हैदराबाद (SRH) संघाने त्यांच्या मागील सामन्यात राजस्थान रॉयल्सवर विजय मिळवला. लखनौ सुपर जायंट्स (LSG) संघाला त्यांचा उर्वरित हंगाम केएल राहुलशिवाय खेळायचा आहे. आता संघाची धुरा कृणाल पांड्याच्या खांद्यावर आहे. मागील सामन्यात संघाला गुजरात टायटन्सकडून पराभव स्वीकारावा लागला.

लखनौ संघाचा हैदराबाद विरुद्धच्या सामन्यात विजय मिळवून टॉप 4 मध्ये म्हणजे प्लेऑफमध्ये स्थान मिळवण्याचा प्रयत्न असेल, पण हैदराबाद संघाची मागच्या काही सामन्यांमधील कामगिरी पाहता लखनौ संघासाठी हे एक आव्हान असेल. लखनौ संघाला मागील तीन सामन्यांपैकी एकही सामना जिंकता आलेला नाही, त्याउलट हैदराबाद संघाने तीन पैकी दोन सामने जिंकले आहेत.

Rajiv Gandhi International Stadium Pitch Report : राजीव गांधी स्टेडिअमची खेळपट्टी कशी आहे?
हैदराबाद आणि राजस्थान यांच्यातील सामना राजीव गांधी इंटरनॅशनल स्टेडिअम (Rajiv Gandhi International Stadium) वर होणार आहे. ही खेळपट्टी पूर्णपणे सपाट असून गोलंदाजांना चांगला बाउंस देते. खेळपट्टी वेगवान गोलंदाजांना चांगला स्विंग आणि बाउन्स देते. पहिल्या डावात चांगली फलंदाजी होण्याची शक्यता आहे. त्यामुळे नाणेफक जिंकणार संघ शक्यतो फलंदाजी करण्यचा निर्णय घेऊ शकतो. या मैदानावर पहिल्या डावातील सरासरी धावसंख्या 171 आहे. ही खेळपट्टी वेगवान गोलंदाज आणि फिरकीपटू अशा दोन्ही गोलंदाजांसाठी पुरेशी मदतशीर ठरते.

हेड टू हेड आकडेवारी
इंडियन प्रीमियर लीगमध्ये (Indian Premier League) लखनौ सुपर जायंट्स (LSG) आणि सनराजयर्स हैदराबाद (SRH) संघ एकूण दोन सामन्यांमध्ये आमनेसामने आले आहेत. यामध्ये हैदराबाद संघाचं पारड जड आहे. लखनौ संघाने दोन्ही सामने जिंकले आहेत, तर हैदराबाद संघाला एकही सामना जिंकता आलेला नाही. आयपीएल 2023 मधील दहाव्या सामन्यात हे दोन्ही संघ आमने-सामने आले होते, या सामन्यात लखनौ संघाने हैदराबादचा पाच विकेट्सने पराभव केला.

पॉईंट टेबलची काय स्थिती?
गुजरातचा संघाने 12 सामन्यात आठ विजय मिळवलेत. गुजरात 16 गुणांसह गुणतालिकेत पहिल्या स्थानावर आहे. तर धोनीचा चेन्नईने 15 गुणांसह दुसऱ्या स्थानावर आहे. चेन्नईने 12 सामन्यात सात विजय मिळवलेत तर त्यांचा एक सामना पावसामुळे वाया गेला होता. चेन्नईचे 15 गुण आहेत. मुंबई इंडियन्सने गुजरातचा पराभव करत गुणतालिकेत तिसऱ्या क्रमांकवर झेप घेतली आहे. मुंबईने 12 सामनयात सात विजय मिळवलेत. राजस्थानचा संघ चौथ्या क्रमांकावर घसरलाय. राजस्थानने 12 सामन्यात सहा विजय मिळवत 12 गुणांची कमाई केली आहे. त्याशिाय लखनौचा संघाने 11 सामन्यात 11 गुणांची कमाई केली आहे.

IPL 2023 : कधी आणि कुठे होणार सामना?
लखनौ सुपर जायंट्स (LSG) आणि सनरायजर्स हैदराबाद (SRH) यांच्यात आज 13 मे रोजी सामना रंगणार आहे. हा सामना हैदराबादमधील राजीव गांधी इंटरनॅशनल स्टेडिअमवर (Rajiv Gandhi International Stadium) दुपारी 3.30 वाजता रंगणार आहे. दुपारी 3 वाजता नाणेफेक होईल.

IPL 2023 Live Streaming : लाईव्ह सामना कुठे पाहाल?
आयपीएल 2023 (IPL 2023) च्या सर्व सामन्यांचं लाइव्ह स्ट्रीमिंग (Live Streaming) 'जिओ सिनेमा' ॲपवर (Jio Cinema) उपलब्ध असेल. स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण (Live Streaming) केले जाईल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.

कशी असेल दोन्ही संघांची प्लेईंग 11?
LSG Probable Playing 11 : लखनौ सुपर जायंट्स
क्विंटन डी कॉक (विकेटकीपर), काइल मेयर्स, आयुष बडोनी, कृणाल पांड्या (कर्णधार), मार्कस स्टॉइनिस, निकोलस पूरन, स्वप्नील सिंह, यश ठाकूर, रवी बिश्नोई, मोहसीन खान, आवेश खान.

SRH Probable Playing 11 : सनरायझर्स हैदराबाद
अनमोलप्रीत सिंह, अभिषेक शर्मा, राहुल त्रिपाठी, हेनरिक क्लासेन, एडन मार्कराम, ग्लेन फिलिप्स, अब्दुल समद, मार्को जॅनसेन, मयंक मार्कंडे, भुवनेश्वर कुमार, टी नटराजन.

19:12 PM (IST) • 13 May 2023

लखनौचा हैदराबादवर विजय

18:55 PM (IST) • 13 May 2023

अभिषेक शर्माच्या षटकात षटकारांचा पाऊस

अभिषेक शर्माने आपल्या तिसऱ्या षटकात विकेट घेतली.. स्टॉयनिसला बाद केले.. पण या षटकात पाच षटकार मारले.. अभिषेक शर्माने या षटकात ३१ धावा खर्च केल्या. स्टॉयनिसने दोन षटकार लगावले तर पूरन याने लागोपाठ तीन षटकारांचा पाऊस पाडला.