आरसीबीच्या नेतृत्वाची धुरा कोहलीच्या खांद्यावर, पंजाबने नाणेफेक जिंकली
PBKS vs RCB : पंजाबचा कर्णधार सॅम करन याने नाणेफेक जिंकून प्रथम गोलंदाजी करण्याचा निर्णय घेतला आहे.
PBKS vs RCB, IPL 2023 27th Match : पंजाबचा कर्णधार सॅम करन याने नाणेफेक जिंकून प्रथम गोलंदाजी करण्याचा निर्णय घेतला आहे. त्यामुळे आरसीबीची प्रथम फलंदाजी असणार आहे. पंजाबचा नियमीत कर्णधार शिखर धवन दुखापतीमुळे आजच्या सामन्याला मुकणार आहे. त्याशिवाय आरसीबीचा कर्णधारही आज उपलब्ध नाही. विराट कोहली नाणेफेकीसाठी मैदानात उतरला होता. कोहली म्हणाला की, फाफ डु प्लेसिस आज फिल्डिंग करणार नाही.. तो इम्पॅक्ट प्लेअर म्हणून खेळणार आहे.
रॉयल चॅलेंजर्स बेंगलोरची प्लेईंग 11 :
विराट कोहली (कर्णधार), फाफ डु प्लेसिस, महिपाल लोमरोर, ग्लेन मॅक्सवेल, शाहबाज अहमद, दिनेश कार्तिक (विकेटकीपर), वानिंदु हसरंगा, सुयश प्रभुदेसाई, हर्षल पटेल, वेन पार्नेल, मोहम्मद सिराज
पंजाब किंग्सची प्लेईंग 11:
अथर्व तायडे, मॅथ्यू शॉर्ट, हरप्रीत सिंह भाटिया, लियाम लिविंगस्टोन, सॅम करन (कर्णधार), जितेश शर्मा (विकेटकीपर), शाहरुख खान, हरप्रीत ब्रार, नॅथन एलिस, राहुल चाहर, अर्शदीप सिंह
Mohali Pitch Report : मोहालीची खेळपट्टी कशी आहे?
मोहालीतील (Mohali) पंजाब क्रिकेट असोसिएशन ((Punjab Cricket Association) आयएस बिंद्रा स्टेडियमची (Inderjit Singh Bindra Stadium) खेळपट्टी (Pitch Report) फलंदाजीसाठी अनुकूल मानली जात आहे. येथील मैदान लहान असल्यामुळे येथे जास्त चौकार-षटकार मारले जातात. येथे झालेल्या सहा टी-20 आंतरराष्ट्रीय सामन्यांमध्ये चार वेळा 200 हून अधिक धावसंख्या करण्यात आली होती. या मैदानावर नंतर फलंदाजी करणाऱ्या संघाला फायदा झाला.
RCB vs PBKS IPL 2023 : बंगळुरु की पंजाब कोण मारणार बाजी?
पंजाब किंग्स मागील सामन्यात विजयानंतर तर आरसीबी मागील सामन्यात पराभवानंतर आज मैदानात उतरणार आहे. मागील सामन्यात पंजाब किंग्सने लखनौ सुपर जायंट्सवर विजय मिळवला. तर रॉयल चॅलेंजर्स बंगळुरु चेन्नई सुपर किंग्सकडून पराभवानंतर या सामन्यात उतरणार आहे.
RCB vs PBKS Head To Head : हेड टू हेड आकडेवारी
इंडियन प्रीमियर लीग (Indian Premier League) मध्ये पंजाब किंग्स (PBKS) आणि रॉयल चॅलेंजर्स बंगळुरु (RCB) या दोन संघांमध्ये आतापर्यंत 30 सामने खेळवण्यात आले आहेत. यामध्ये पंजाब संघाचं पारड जड दिसून आलं आहे. पंजाब संघाने 30 सामन्यांपैकी 17 सामने जिंकले आहेत, आरसीबीला फक्त 13 सामने जिंकता आले आहेत. आजच्या सामन्यात कोण बाजी मारणार याकडे सर्वांचं लक्ष लागलं आहे.
IPL 2023 Live Streaming : लाईव्ह सामना कुठे पाहाल?
आयपीएल 2023 च्या सर्व सामन्यांचं लाइव्ह स्ट्रीमिंग (Live Streaming) 'जिओ सिनेमा' ॲपवर (Jio Cinema) उपलब्ध असेल. स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण (Live Streaming) केले जाईल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.
महत्त्वाच्या इतर बातम्या :
IPL 2023 Points Table : लखनौकडून राजस्थानचा पराभव, गुणतालिकेची सध्याची स्थिती जाणून घ्या
महत्त्वाच्या बातम्या
