LSG Vs MI: मुंबईचा सलग आठवा पराभव, सामन्यातील 10 महत्वाच्या मुद्द्यांवर टाका एक नजर

LSG Vs MI:  मुंबईच्या वानखेडे मैदानावर खेळण्यात आलेल्या आयपीएलच्या 37 व्या सामन्यात लखनौच्या संघानं मुंबईला 36 धावांनी पराभूत केलं.

LSG Vs MI

LSG Vs MI:  मुंबईच्या वानखेडे मैदानावर खेळण्यात आलेल्या आयपीएलच्या 37 व्या सामन्यात लखनौच्या संघानं मुंबईला 36 धावांनी पराभूत केलं. या हंगामातील मुंबईच्या संघाचा सलग आठवा पराभव आहे. या सामन्यात नाणेफेक जिंकत मुंबईच्या संघानं प्रथम गोलंदाजी करण्याचा निर्णय घेतला. त्यानंतर लखनौच्या संघानं 20 षटकात 6 विकेट्स गमावून मुंबईसमोर 169 धावांचं लक्ष्य ठेवलं होतं. प्रत्युत्तरात मुंबईच्या संघाला 20 षटकात 8 विकेट्स गमावून 132 धावा करता आल्या.

लखनौ- मुंबईच्या सामन्यातील महत्वाचे 10 मुद्दे

- लखनौविरुद्ध वानखेडे मैदानावर खेळण्यात आलेल्या मुंबईच्या संघानं नाणेफेक जिंकून प्रथम गोलंदाजी करण्याचा निर्णय घेतला.

- या सामन्यात लखनौच्या संघाची सुरुवात खराब झाली. तिसऱ्या षटकात क्विटंन डी कॉकला बाद झाला. 

- त्यानंतर केएल राहुल आणि मनीष पांडेनं लखनौच्या संघाचा डाव सावरला.

- मनीष पांडे बाद झाल्यानंतरही लखनौच्या कोणत्याही खेळाडूला मोठी धावसंख्या करता आली नाही. मात्र, कर्णधार केएल राहुलनं संघाची एक बाजू संभाळून ठेवली.

- अखेरच्या षटकापर्यंत क्रिजवर उभं राहून केएल राहुलनं 62 चेंडूत शतक ठोकलं. केएल राहुलच्या शतकी खेळीच्या जोरावर लखनौनं मुंबईसमोर 169 धावांचं लक्ष्य ठेवलं

- लखनौच्या संघानं दिलेल्या लक्ष्याचा पाठलाग करण्यासाठी मैदानात उतरलेल्या मुंबईच्या संघाची सुरुवात खराब झाली. ईशान किशन आणि डेवॉल्ड ब्रेवीस स्वस्तात माघारी परतला.

- दरम्यान, रोहित शर्मानं संयमी खेळी दाखवत संघाचा स्कोर पुढे नेण्याचा प्रयत्न केला. परंतु, क्रुणाल पांड्याच्या गोलंदाजीवर त्यानं आपली विकेट्स गमावली. रोहितनं 31 चेंडूत 39 धावांची खेळी केली.

- रोहित शर्मा बाद झाल्यानंतर मुंबईच्या संघाला विजय मिळवून देण्याची जबाबदारी सूर्यकुमार यादवच्या खांद्यावर आली. मात्र, आयुष बदोनीनं त्याला सात धावांवर बाद करून माघारी धाडलं.

- मुंबईचे चार विकेट्स पडल्यानंतर मैदानात आलेल्या तिळक वर्मानं आक्रमक फलंदाजी केली. परंतु, तोही संघाला विजय मिळवून देण्यास तो अपयशी ठरला.

- त्यानंतर मुंबईची शेवटची आशा पोलार्डही क्रुणाल पांड्याच्या गोलंदाजीवर बाद झाला. मुंबईनं 20 षटकात 8 विकेट्स गमावून 132 धावा केल्या. 

हे देखील वाचा-