रियान परागने कोहलीकडून पर्पल कॅप हिसकावली, ऑरेंज कॅपवर युजवेंद्र चहलचाही दावा
Orange Cap Ipl 2024 : रियान पराग यानं विराट कोहलीला मागे टाकले आहे. यंदाच्या हंगामातील ऑरेंज कॅप रियान पराग याच्याकडे गेली आहे.
Orange Cap Ipl 2024 : युजवेंद्र चहल आणि ट्रेंट बोल्टच्या भेदक माऱ्यानंतर रियान पराग याच्या झंझावती अर्धशतकाच्या बळावर राजस्थान रॉयल्सने मुंबई इंडियन्सला वानखेडेवर सहा विकेटने पराभूत केले. रियान पराग यानं सलग दुसऱ्या सामन्यात अर्धशतकी खेळी केली. रियान पराग यानं नाबाद 54 धावांचं योगदान दिले. या खेळीच्या बळावर रियान पराग यानं विराट कोहलीला मागे टाकले आहे. यंदाच्या हंगामातील ऑरेंज कॅप रियान पराग याच्याकडे गेली आहे. रियान पराग आणि विराट कोहली यांनी तीन सामन्यात प्रत्येकी 181 धावा केल्या आहेत. पण रियान पराग दोन वेळा नाबाद राहिला आहे, त्याशिवाय त्याचा स्ट्राईक रेट आणि सरासरीही विराट कोहलीपेक्षा जास्त सरस आहे. त्यामुळे रियान पराग पहिल्या क्रमांकावर आहे.
ऑरेंज कॅपच्या स्पर्धेत विराट कोहली दुसऱ्या क्रमांकावर आहे, पण मंगळवारी विराट कोहली पुन्हा ऑरेंज कॅपवर कब्जा मिळवण्याची शक्यता आहे. मंगळावीर आरसीबी आणि लखनौ यांच्यात सामना रंगणार आहे. ऑरेंज कॅपच्या स्पर्धेत हेनरिक क्लासेन आणि शिखर धवन यांचाही क्रमांक लागतो. हेनरिक क्लासेन तिसऱ्या तर धवन चौथ्या क्रमांकावर आहे. डेविड वॉर्नर पाचव्या स्थानावर आहे. पाहूयात कोण कोणत्या क्रमांकावर आहे...
| क्रमांक | खेळाडू | सामने | डाव | नाबाद | धावा | सर्वोच्च धावसंख्या | सरासरी | स्ट्राईक रेट | शतक | अर्धशतक | चौकार | षटकार |
|---|---|---|---|---|---|---|---|---|---|---|---|---|
| 1 | रियान पराग Riyan Parag | 3 | 3 | 2 | 181 | 84* | 181.00 | 160.17 | 0 | 2 | 13 | 12 |
| 2 | विराट कोहली, Virat Kohli RCB | 3 | 3 | 1 | 181 | 83* | 90.50 | 141.40 | 0 | 2 | 15 | 7 |
| 3 | हेनरिक क्लासेन Heinrich Klaasen SRH | 3 | 3 | 1 | 167 | 80* | 83.50 | 219.73 | 0 | 2 | 5 | 17 |
| 4 | शिखर धवन, Shikhar Dhawan PBKS | 3 | 3 | 0 | 137 | 70 | 45.67 | 133.00 | 0 | 1 | 16 | 4 |
| 5 | डेविड वॉर्नर David Warner DC | 3 | 3 | 0 | 130 | 52 | 43.33 | 144.44 | 0 | 1 | 13 | 8 |
| 6 | साई सुदर्शन Sai Sudharsan GT | 3 | 3 | 0 | 127 | 45 | 42.33 | 119.81 | 0 | 0 | 10 | 2 |
| 7 | अभिषेक शर्मा, Abhishek Sharma SRH | 3 | 3 | 0 | 124 | 63 | 41.33 | 200.00 | 0 | 1 | 9 | 11 |
| 8 | तिलक वर्मा, Tilak Varma MI | 3 | 3 | 0 | 121 | 64 | 40.33 | 147.56 | 0 | 1 | 3 | 9 |
| 9 | संजू सॅमसन, Sanju Samson RR | 3 | 3 | 1 | 109 | 82* | 54.50 | 143.42 | 0 | 1 | 9 | 6 |
| 10 | निकोलस पूरन, Nicholas Pooran LSG | 2 | 2 | 1 | 106 | 64* | 106.00 | 170.96 | 0 | 1 | 7 | 7 |
| 11 | शिवम दुबे, Shivam Dube CSK | 3 | 3 | 1 | 103 | 51 | 51.50 | 151.47 | 0 | 1 | 7 | 6 |
पर्पल कॅप कुणाकडे ?
चेन्नईच्या मुस्तफिजुर रहमान यानं पर्पल कॅपवर कब्जा केला आहे. रहमान यानं तीन सामन्यात सात विकेट घेतल्या आहेत. तर युजवेंद्र चहल याने सहा विकेट घेत दुसरं स्थान पटकावलं आहे. मोहित शर्मा याच्या नावावरही सहा विकेट आहेत. खलील अहमद, ट्रेंट बोल्ट, हर्षित राणा, नांद्रे बर्गर यांच्या नावार प्रत्येकी पाच पाच विकेट आहेत.
मुंबईचा संघ तळाशी -
हार्दिक पांड्याच्या नेतृत्वात मुंबई इंडियन्सला आतापर्यंत एकही विजय नोंदवता आला नाही. तिन्ही सामन्यात पराभवाचा सामना करावा लागला. गुणतालिकेत मुंबईचा संघ दहाव्या क्रमांकावर पोहचला आहे. मुंबई हा एकमेव असा संघ आहे, ज्याला अद्याप एकही विजय नोंदवता आला नाही. तर दुसरीकडे कोलकाता आणि राजस्थान संघाला अद्याप एकाही पराभवाचा सामना करावा लागला नाही. राजस्थानचा संघ गुणातलिकेत पहिल्या क्रमांकावर आहे.
महत्त्वाच्या बातम्या
