Hardik Pandya: Mumbai Indians: हार्दिक पांड्या मुंबई इंडियन्सला जेतेपद पटकावून देणार?; जाणून घ्या, संघाची जमेची बाजू!
Latest Marathi News: IPL 2024: रोहित शर्मा आणि इशान किशन संघासाठी सलामीला येऊ शकतात. रोहित आणि इशानचा अनुभव मुंबईसाठी खूप उपयोगी ठरू शकतो.
Latest Marathi News: IPL 2024: आयपीएलच्या इतिहासात मुंबई इंडियन्स (Mumbai Indians) 5 वेळा चॅम्पियन बनले आहेत. मात्र गेल्या 3 हंगामात मुंबईचा संघ जादू दाखवू शकलेला नाही. मुंबईने शेवटचे जेतेपद 2020 साली पटकावले होते. आयपीएल 2023मध्ये, रोहित शर्माच्या (Rohit Sharma) नेतृत्वाखाली, संघ प्लेऑफमध्ये पोहोचला, परंतु एलिमिनेटर सामन्यात गुजरात टायटन्सविरुद्ध (Gujarat Titans) पराभवाचा सामना करावा लागला.
यंदाच्या म्हणजेच आयपीएल 2024च्या हंगामात मुंबईच्या संघाचे नेतृत्व हार्दिक पांड्या (Hardik Pandya) करणार आहे. हार्दिकने 2022 मध्ये गुजरात टायटन्स संघाचे नेतृत्व करत गुजरातला जेतेपद मिळवून दिले होते. आता मुंबईच्या संघाला देखील हार्दिक पांड्या सहावी ट्रॉफी जिंकवून देणार का?, हे आगामी काळातच स्पष्ट होणार आहे.
मुंबई इंडियन्सच्या फलंदाजांना तगडा अनुभव-
विशेषतः फलंदाजीच्या बाबतीत मुंबई इंडियन्स खूप मजबूत दिसत आहेत. रोहित शर्मा आणि इशान किशन संघासाठी सलामीला येऊ शकतात. रोहित आणि इशानचा अनुभव मुंबईसाठी खूप उपयोगी ठरू शकतो. तिलक वर्माने गेल्या दोन हंगामात 300 हून अधिक धावा करून खूप अनुभव मिळवला आहे आणि त्याच्या व्यतिरिक्त, संघाकडे सूर्यकुमार यादव, टीम डेव्हिड आणि हार्दिक पंड्या यांच्या रूपात आंतरराष्ट्रीय स्तरावरील मजबूत फलंदाज आहेत. गेल्या हंगामाबद्दल बोलायचे झाल्यास मुंबईने अनेकवेळा 200 हून अधिक धावांचा पाठलाग केला होता.
जसप्रीत बुमराह आणि युवा गोलंदाजांचे मिश्रण
जसप्रीत बुमराह दुखापतीमुळे आयपीएल 2023 मध्ये एकही सामना खेळू शकला नाही, परंतु यावेळी त्याचे पुनरागमन मुंबई इंडियन्स संघाला बळ देणार आहे. मुंबईला पुन्हा एकदा त्याच्या अचूक यॉर्कर्सची आणि डेथ ओव्हर्समध्ये उत्कृष्ट गोलंदाजीची गरज भासेल. संघाकडे पियुष चावलाच्या रूपाने अनुभवी फिरकी गोलंदाज असून जेसन बेहरेनडॉर्फची अचूक गोलंदाजी विरोधी संघांना पुन्हा एकदा घाम फोडू शकते. बेहरेनडॉर्फने आयपीएल 2023 मध्ये 12 सामने खेळताना 14 विकेट घेतल्या. यावेळी, दक्षिण आफ्रिकेचा वेगवान गोलंदाज गेराल्ड कोएत्जी आणि वेस्ट इंडिजचा रोमॅरियो शेफर्ड हे देखील संघाशी जोडले गेले आहेत, ज्यांनी गेल्या काही महिन्यांत आंतरराष्ट्रीय क्रिकेटमध्ये आपला ठसा उमटवला आहे.
आयपीएलमध्ये रोहित यशस्वी कर्णधार
आता आयपीएलचा नवा हंगाम सुरू होणार आहे. यावेळी रोहित मुंबई इंडियन्सचा कर्णधार होणार नाही. त्याच्या जागी व्यवस्थापनाने हार्दिक पांड्याकडे कर्णधारपद सोपवले आहे. रोहित हा आयपीएलच्या इतिहासातील सर्वात यशस्वी कर्णधार ठरला आहे. रोहितने आपल्या नेतृत्वाखाली मुंबई इंडियन्सला 5 वेळा चॅम्पियन बनवले आहे. रोहितच्या नेतृत्वाखाली मुंबईने 2013, 2015, 2017, 2019 आणि 2020 मध्ये आयपीएलचे जेतेपद पटकावण्यात यश मिळवले होते.
संबंधित बातम्या:
CSK vs RCB सामन्यासाठी तिकिटांची किंमत किती, खरेदी कसं कराल?
महत्त्वाच्या बातम्या
