हिशोब चुकता.... आरसीबीने लखनौचा 18 धावांनी केला पराभव
IPL 2023, LSG vs RCB: आरसीबीने लखनौचा १८ धावांनी पराभव केला. १२७ धावांच्या माफक आव्हानाचा पाठलाग करताना लखनौचा डाव 108 धावांत संपुष्टात आला.
IPL 2023, LSG vs RCB: आरसीबीने लखनौचा १८ धावांनी पराभव केला. १२७ धावांच्या माफक आव्हानाचा पाठलाग करताना लखनौचा डाव 108 धावांत संपुष्टात आला. आरसीबीने लखनौला नमवत परभवाचा वचपा काढला. लखनौने बेंगलोरमध्ये आरसीबीचा अखेरच्या चेंडूवर पराभव केला होता. आज आरसीबीने लखनौचा पराभव करत हिशोब चुकता केला.
१२७ धावांच्या आव्हानाचा पाठलाग करताना लखनौची सुरुवात खराब झाली. काइल मेयर्स याला मोहम्मद सिराज याने शून्यावर तंबूत धाडले. त्यानंतर हेजलवूड याने आयुष बडोनी याला चार धावांवर तंबूत धाडले. आरसीबीच्या गोलंदाजांनी पावरप्लेमध्येच लखनौच्या आघाडीच्या फलंदाजांना तंबूत धाडले. लखनौचे आघाडीचे चार फलंदाज पावरप्लेमध्ये बाद झाले होते. मेयर्स आणि बडोनी बाद झाल्यानंतर कृणाल पांड्या आणि दीपक हुड्डाही पावरप्लेमध्ये बाद झाले होते. दीपक हुड्डा एका धावेवर बाद झाला. तर कृणाल पांड्याने ११ चेंडूत १४ धावांचे योगदान दिले. पावरप्लेमध्ये लखनौच्या संघाने चार विकेटच्या मोबदल्यात फक्त ३४ धावा केल्या हत्या.
आघाडीचे फलंदाज बाद झाल्यानंतर निकोलस पूरन आणि स्टॉयनिस यांनी लखनौचा डाव सावरण्याचा प्रयत्न केला. पण मोठा फटका मारण्याचा प्रयत्नात निकोलस पूरन ९ धावांवर बाद झाला. स्टॉयनिसह १३ धावांवर तंबूत परतला. स्टॉयनिस याने १३ धावांचे योगदान दिले. कृष्णाप्पा गौतम याने लखनौकडून सर्वाधिक २३ धावांचे योगदान दिले. गौतम याने दोन षठकार आणि एक चौकार लगावला. रवि बिश्नोई पाच धावांवर बाद झाला. अमित मिश्रा आणि नवीन उल हक यांनी अखेरच्या षटकात भागिदारी केल्यामुळे लखनौचा संघ १०० धावसंख्या ओलांडू शकला. अमित मिश्रा याने १९ धावांचे योगदान दिले. तर नवीन उल हक याने १३ धावा चोपल्या. लखनौच्या एकाही फलंदाजाला तीस धावसंख्येचा टप्पा ओलांडता आला नाही.
आरसीबीकडून कर्ण शर्मा आणि जोश हेजलवूड यांनी प्रत्येकी दोन दोन विकेट घेतल्या. तर मोहम्मद सिराज, ग्लेन मॅक्सवेल, वानंदु हसरंगा आणि हर्षल पटेल यांनी प्रत्येकी एक एक विकेट घेतली. लखनौचे दोन फलंदाज धावबाद झाले.
लखनौच्या भेदक माऱ्यापुढे आरसीबीची फलंदाजी ढेपाळली. इकानाच्या खेळपट्टीवर लखनौच्या गोलंदाजीसमोर आरसीबीने निर्धारित २० षटकात नऊ विकेटच्या मोबदल्यात १२६ धावांपर्यंत मजल मारली. सलामी भागिदारी वगळता आरसीबीच्या फलंदाजांना एकही मोठी भागिदारी करता आली नाही.
नाणेफेक जिंकून प्रथम फलंदाजी करणाऱ्या आरसीबीने संयमी सुरुवात केली. विराट कोहली आणि फाफ डु प्लेसिस यांनी एकेरी आणि दुहेरी धावसंख्यावर भर देत आरसीबीची धावसंख्या वाढवली. इकाना स्टेडिअमची खेळपट्टी संथ आहे. त्यामुळे फिरकी गोलंदाज पहिल्या षटकापासूनच गोलंदाजीसाठी उतरले होते. विराट कोहली आणि फाफ डु प्लेसिस याने नऊ षटकात ६२ धावांची सलामी दिली. विराट कोहली याने ३० चेंडूत ३१ धावांची खेळी केली. विराट कोहली बाद झाल्यानंतर फाफ आणि अनुज रावत यांनी डाव सावरण्याचा प्रयत्न केला. पण रावत नऊ धावांर बाद झाला. रावत याने ११ चेंडूंत नऊ धावांची खेळी केली.
ग्लेन मॅक्सवेल याला मोठी खेळी करण्यात अपयश आले. मॅक्सवेल याला बिश्नोई याने तंबूत पाठवले. मॅक्सवेल याने चार धावांचे योगदान दिे. सुयेश प्रभुदेसाई स्वस्तात माघारी परतला. अमित मिश्रा याने प्रभुदेसाई याला तंबूचा रस्ता दाखवला. एका बाजूला विकेट पडत असताना फाफ याने दुसऱ्या बाजूला संयमी फलंदाजी केली. फाफ डु पलेसिस याने ४० चेंडूत ४४ धावांचे योगदान दिले. फाफ याने आपल्या खेलीत एक चौकार आणि एक षटकार लगावला. महिपाल लोमरोर याला तीन धावांवर नवीन उल हक याने बाद केले. दिनेश कार्तिक लयीत दिसत होता.. पण धाव घेण्याच्या प्रयत्नात कार्तिक याने विकेट फेकली. यश ठाकूर याने कार्तिकला धावबाद केले. कार्तिक बाद झाल्यामुळे आरसीबीच्या धावसंख्येला खीळ बसली. कर्ण शर्मा आणि मोहम्मद सिराज दोघांना नवीन उल हक याने एकापाठोपाठ एक बाद केले. दोघांनाही खाते उघडता आले नाही. हसरंगा याने नाबाद आठ धावांची खेळी केली. हेजलवूड एक धावांवर नाबाद राहिला.
इकानाच्या खेळपट्टीवर गोलंदाजांचा दबदबा दिसला. लखनौने चार फिरकी गोलंदाजांना गोलंदाजी दिली होती. कृणाल पांड्या याने डावाचे पहिलेच षटक फेकले होते. कृणाल पांड्या याने चार षटकात फक्त २१ धावा दिल्या. रवि बिश्नोई याने चार षटकात २१ धावांच्या मोबदल्यात दोन विकेट घेतल्या. अमित मिश्रा याने तीन षटकात २१ धावा खर्च खरत दोन विकेट घेतल्या. तर कृष्णाप्पा गौतम याने दोन षटकात फक्त दहा धावा खर्च केल्या. गौतम याने एक विकेट घेतली. नवीन उल हक याने भेदक मारा केला. नवीन याने चार षटकात ३० धावांच्या मोबदल्यात तीन विकेट घेतल्या.
महत्त्वाच्या बातम्या
ट्रेंडिंग न्यूज
