PBKS vs KKR Match Preview : कोलकाता विरुद्ध पंजाब मुकाबला, कोणाचं पारडं जड?

Punjab Kings vs Kolkata Knight Riders : आज 1 एप्रिल रोजी पंजाब किंग्स आणि कोलकाता नाईट रायडर्स यांच्यात सामना रंगणार आहे.

PBKS vs KKR | IPL 2023

Source : Twitter

IPL 2023, PBKS vs KKR Match Preview : इंडियन प्रीमियर लीग 2023 मधील दुसरा सामना आज पंजाब किंग्स (Punjab Kings) आणि कोलकाता नाईट रायडर्स (Kolkata Knight Riders) यांच्यात सामना रंगणार आहे. दुपारी 3.30 वाजता पंजाब क्रिकेट असोसिएशन स्टेडिअमवर हा सामना खेळवला जाणार आहे. दोन्ही संघातील काही खेळाडूंना दुखापत झाली आहेत. यासोबतच दोन्ही संघा नव्या कर्णधाराच्या नेतृत्वाखाली मैदानात उतरणार असल्यामुळे याकडे सर्वांच्या नजरा लागल्या आहेत.

IPL 2023, PBKS vs KKR : पंजाब विरुद्ध कोलकाता मुकाबला

काही परदेशी खेळाडूंच्या उपलब्ध नसल्यामुळे आणि काही खेळाडूंच्या दुखापतीमुळे पंजाब किंग्स (Punjab Kings) आणि कोलकाता नाईट रायडर्स (Kolkata Knight Riders) शनिवारी आयपीएल 2023 च्या सलामीच्या सामन्यासाठी मैदानात उतरणार आहे. आयपीएलची विजयी सुरुवात करण्याचं दोन्ही संघांचं लक्ष्य असेल. दरम्यान, पंजाब आणि कोलकाता दोन्ही संघांकडे तगडे खेळाडू आहेत, पण मैदानावरील त्यांची कामगिरी फारशी प्रभावी ठरलेली नाही. 

IPL 2023, PBKS vs KKR : दोन्ही संघ नव्या कर्णधारासह मैदानात

आजच्या सामन्यासाठी पंजाबचा संघ अनुभवी शिखर धवनच्या नेतृत्वात तर कोलकाताचा संघाची कमान नितीश राणाच्या हाती असेल. दोन्ही संघ नव्या नेतृत्वाखाली जिंकण्यासाठी मैदानात उतरणार आहेत. पंजाब किंग्सचा आयपीएलच्या एकाही सीझनमध्ये विजय मिळवता आलेला नाही. त्याउलट राजस्थान संघाने याआधी गौतम गंभीरच्या नेतृत्वात दोन वेळा आयपीएलची ट्रॉफी कमावली आहे.

IPL 2023, PBKS vs KKR : कुणाचं पारड जड?

मोहालीच्या पंजाब क्रिकेट असोसिएशनच्या (Punjab Cricket Association Stadium) आयएस बिंद्रा स्टेडियमवर (IS Bindra Stadium) आज दुपारी पंजाब (Punjab) आणि कोलकाला (Kolkata) संघ आमनेसामने असतील. दोन्ही संघांमधील मागील सामन्यांवर नजर टाकली तर हे संघ आळीपाळीने एकमेकांना पराभूत करत आहेत. गेल्या पाच सामन्यांपैकी केकेआरने तीन सामने जिंकले आहेत, तर पंजाब किंग्सने दोन सामने गमावले आहेत. 

आजच्या सामन्यात पंजाब किंग्सचं पारड काहीसं जड असेल. याचं कारण म्हणजे पंजाब संघ घरच्या मैदानावर खेळणार आहे. तक दुसरीकडे, कोलकाता संघ आपला नियमित कर्णधार श्रेयस अय्यरशिवाय मैदानात उतरणार आहे. पाठीच्या दुखापतीमुळे श्रेयस अय्यर सध्या संघाबाहेर आहे. श्रेयस यानंतरच्या सामन्यामध्ये परतण्याची शक्यता आहे. सध्या केकेआरची कमान नितीश राणाच्या हाती आहे.

महत्त्वाच्या इतर बातम्या :