IPL 2023 : दिल्लीचा IPL मधील गाशा गुंडाळला, पराभवाची कारणे काय?

IPL 2023, David Warner : दिल्लीच्या पराभवाची कारणे काय आहेत ? कोणत्या कारणामुळे स्पर्धेतील आव्हान संपले...

DC

Source : PTI

IPL 2023, David Warner : डेविड वॉर्नरच्या नेतृत्वातील दिल्ली संघाचे आयपीएलमधील आव्हान जवळपास संपुष्टात आलेय. दिल्लीचे प्लेऑफमध्ये पोहचण्याची संधी फक्त दोन टक्के इतकी आहे. पण इतर संघाची स्थिती पाहाता दिल्लीचे आव्हान संपल्यात जमा आहे. दिल्लीच्या पराभवाची प्रमुख कारणे कोणती आहेत.. कशामुळे दिल्लीला फटका बसला पाहूयात..

फलंदाजांचा फ्लॉप शो - 

डेविड वॉर्नर याचा अपवाद वगळता दिल्लीच्या एकाही फलंजाला मोठी धावसंख्या उभरता आली नाही. मिचेल मार्श, रोवमन पॉवेल, यश धुल, मनीष पांडे यांच्यासारखे फलंदाज अपयशी ठरत आहेत. दिल्लीच्या पराभवाचे हेही प्रमुख कारण असू शकते. 

खराब नेतृत्व -

डेविड वॉर्नर याला प्रभावी नेतृत्व करता आले नाही. दिल्लीच्या पराभवाचे खराब नेतृत्व हेही एक कारण आहे. वॉर्नरने गोलंदाजांचा योग्य वापर केला नाही. कुलदीप यादव याला कधी गोलंदाजी द्यायची, यात वॉर्नरची मोठी चूक होतेय.. गतवर्षी कुलदीपने सर्वाधिक विकेट घेतल्या होत्या... त्याशिवाय भन्नाट फॉर्मात असलेल्या अक्षर पटेल याला फलंदाजी बढती दिली जात नाही.. अन्यथा तो आणखी धावा जमवू शकेल. त्याशिवाय ऋषभ पंतची कमी दिल्लीला जाणवत आहे. ऋषभ पंतचे आक्रमक नेतृत्व आणि फलंदाजीची कमी दिल्लीला जाणवतेय.

गोलंदाजांची खराब कामगिरी -

 प्रमुख गोलंदाजांना धावा रोखण्यात अपयश आले आहे. अक्षर पटेल आणि कुलदीपचा अपवाद वगळता एकाही गोलंदाजाला धावा रोखता आल्या नाहीत. एनरिख नॉर्खिया लयीत दिसत नाही.. याचा फटका दिल्लीला बसत आहे. 

सलामी जोडी फ्लॉप - 

11 सामन्यानंतरही दिल्लीला अद्याप दमदार सलामी जोडी मिळालेली नाही. डेविड वॉर्नर याच्यासोबत विविध फलंदाजांना अजमावले.. पण धावा निघाल्या नाहीत. पृथ्वी शॉ याला यंदा अपयशी ठराल.. मागील पाच डावात तर दिल्लीच्या सलामी फलंदाजांना फक्त 61 धावांची सलामी देता आली आहे. यामध्ये सर्वोत्कृष्ट सलामी भागिदारी 60 इतकी आहे. पाचपैकी तीन सामन्यात दिल्लीचे सलामी फलंदाजांनी शून्य धावांची सलामी दिली. दिल्लीच्या पराभवाचे हे एक प्रमुख कारण आहे. 

दिल्ली या संघाचे गणित बिघडवणार ?

दिल्लीला 11 सामन्यात सात पराभवाचा सामना करावा लागलाय. त्यामुळे दिल्लीचे आयपीएलमधील आव्हान संपुष्टात आलेय. पण दिल्ली इतर संघाचे प्लेऑफमधील गणित बिघडवू शकते. दिल्लीचे अद्याप तीन सामने बाकी आहेत. यापैकी दोन सामने पंजाबविरोधात आहेत.. तर एक सामना चेन्नईसोबत आहे. 13 मे आणि 17 मे  रोजी दिल्ली पंजाबसोबत भिडणार आहे.  20 मे रोजी दिल्ली पुन्हा एकदा चेन्नईसोबत दोन हात करणार आहे.  

आतापर्यंत आयपीएलमधील दिल्लीची कामगिरी -

1. एक एप्रिल रोजी लखनौ सुपर जायंट्ने दिल्लीचा 50 धावांनी पराभव केला. 

2. चार एप्रिल रोजी गुजरातकडून दिल्लीचा सहा विकेटने पराभव झाला..

3. 8 एप्रिल रोजी राजस्थाननेही दिल्लीला 57 धावांनी हरवले. 

4. 11 एप्रिल रोजी मुंबईने दिल्लीला सहा विकेटने हरवले.. 

5. 15 एप्रिल रोजी आरसीबीने दिल्लीला 23 धावांनी हरवले... दिल्लीला लागोपाठ पाच सामन्यात पराभवाचा सामना करावा लागला. 

6. 20 एप्रिल रोजी अखेर दिल्लीने विजयाचे खाते उघडले.. दिल्लीने चार विकेटने कोलकात्याचा पराभव केला. 

7. 24 एप्रिल रोजी  दिल्लीने हैदराबादचा सात धावांनी पराभव केला. 

8. 29 एप्रिल रोजी गैदराबादने दिल्लीला 9 धावांनी हरवत पराभवाचा वचपा काढला... दिल्लीचा हा सहावा पराभव होता.. 

9. 2 मे रोजी दिल्लीने गतविजेत्या गुजरातला पाच धावांनी हरवले.... 

10. 6 मे रोजी आरसीबीचा सात विकेटने पराभव करत दिल्लीने प्लेऑफमधील आव्हान जिवंत ठेवले... 

11 . 10 मे रोजी चेन्नईने दिल्लीचा पराभव केला.