IPL 2023 : धोनीचा जबरा फॅन, टिव्हीवर पाहाताच माही भाईची केली आरती
IPL 2023 : चार वर्षनंतर धोनीच्या नेतृत्वातील चेन्नई संघ एमए चिदंबरम स्टेडियमवर (चेपॉक स्टेडियम) खेळण्यास उतरला आहे.
Indian Premier League 2023: चार वर्षनंतर धोनीच्या नेतृत्वातील चेन्नई संघ एमए चिदंबरम स्टेडियमवर (चेपॉक स्टेडियम) खेळण्यास उतरला आहे. कोरोना महामारीमुळे आयपीएलचा होम आणि अवे फॉर्मेट बंद करण्यात आला होता. आता पुन्हा एकदा चेन्नईचा संघ घरच्या मैदानावर खेळत आहे. चेन्नई आणि धोनीला सपोर्ट करण्यासाठी चेपॉकचे मैदान भरले आहे. जिकडे तिकडे धोनी धोनीच्या घोषणा ऐकायला मिळत आहे. अशातच धोनीच्या एका चाहत्याचा व्हिडीओ सध्या सोशल मीडियावर व्हायरल होत आहे. यामध्ये तो चाहता धोनीची आरती करताना दिसत आहे. दरम्यान, चेन्नईचा संघ चार वर्षांच्या प्रदीर्घ कालावधीनंतर घरच्या मैदानावर उतरणार आहे. त्यामुळे 'येलो आर्मी'चा उत्साह शिगेला पोहोचला आहे.
धोनीचे जगभरात कोट्यवधी चाहते आहेत. धोनीने आतंरराष्ट्रीय क्रिकेटमधून निवृत्ती घेतल्यानंतर फक्त आयपीएलमध्ये त्याला खेळताना पाहतो. धोनीच्या चाहत्याने चेन्नईच्या सामन्यावेळी धोनीची आरती केली. धोनीला टिव्हीवर पाहिल्यानंतर चाहत्याने धोनीची आरती केली. हा व्हिडीओ सोशल मीडियावर व्हायरल झालाय. याची नेटकऱ्यांमध्ये चर्चा सुरु आहे.
This is why Cricket is considered as Religion in India.🫶🏻#CSKvsLSGpic.twitter.com/jjWLOecOCE
— Aayushi🏏 (@cric_aayushi) April 3, 2023
चार वर्षानंतर घरच्या मैदानावर धोनी उतरला आहे. पण या सामन्यात लखनौच्या संघाने नाणेफेकीचा कौल जिंकला. सीएसकेला प्रथम फलंदाजीसाठी आमंत्रित करण्यात आलेय.
चेपॉकवर धोनी अन् सीएसकेचा दबदबा
चेपॉक स्टेडिअमवर चेन्नईची कामगिरी जबरदस्त आहे. चेन्नईने 60 सामन्यापैकी 41 सामने जिंकले आहेत. त्याशिवाय या मैदानावर धोनीच्या बॅटमधून धावांचा पाऊस पडला आहे. धोनीने 48 डावात 1363 धावा काढल्या आहेत. यामध्ये सात अर्धशतकांचा समावेश आहे.
लखनौच्या संघात एक बदल, कशी असेल प्लेईंग 11
केएल राहुल (कर्णधार), काइल मेयर्स, दीपक हुड्डा, क्रुणाल पांड्या, मार्कस स्टॉयनिस, निकोलस पूरन (विकेटकीपर), आयुष बडोनी, मार्क वूड, यश ठाकुर, रवू बिश्नोई, आवेश खान.
चेन्नई सुपर किंग्सची प्लेईंग 11
ऋतुराज गायकवाड, डेवेन कानवे, मोईन अली, बेन स्टोक्स, अंबाती रायडू, शिवम दुबे, रवींद्र जडेजा, महेंद्र सिंह धोनी (कर्णधार, विकेटकीपर), मिचेल सँटनर, दीपक चाहर, राजवर्धन हंगरेकर.
चेपॉक स्टेडिअमची खेळपट्टी कशी आहे?
चेन्नईतील एमए चिदंबरम स्टेडियम (MA Chidambaram Stadium) चेपॉक स्टेडियम (Chepauk Stadium) म्हणूनही ओळखले जातं. हे खूप जुनं मैदान आहे. या स्टेडियमवर फिरकीपटूंचं वर्चस्व आहे. अनेक फिरकीपटूंनी येथे गोलंदाजी करताना भरपूर विकेट्स घेतल्या आहेत. ज्या संघात चांगले फिरकीपटू असतील तो संघ या मैदानावर वर्चस्व गाजवतो. खेळपट्टीवर चेंडू वळणाचे प्रमाण जास्त असू शकतं. गेल्या काही वर्षांत चेपॉक स्टेडिअमची खेळपट्टी फलंदाजांसाठी चांगली ठरली आहे. खेळ जसजसा पुढे सरकतो तसतशी खेळपट्टी खूप कोरडी होते आणि याचा फिरकीपटूंना फायदा झाला होतो.
महत्त्वाच्या बातम्या
