SRH vs RCB, Match Highlights : वानिंदू हसरंगाचा 'पंच'ने हैदराबादची फलंदाजी ढासळली, त्रिपाठीची झुंज व्यर्थ, 67 धावांनी पराभव
IPL : बंगळुरु संघाने प्रथम फलंदाजी करत हैदराबादसमोर 193 धावांचे आव्हानात्मक लक्ष्य ठेवले होते, जे पार करताना 125 धावांवर हैदराबादचा संघ सर्वबाद झाला आहे.
SRH vs RCB : आयपीएलमधील 2022 (IPL 2022) मधील आजच्या सामन्यात रॉयल चँलेजर्स बंगळुरुने सनरायजर्स हैदराबादbj (SRH vs RCB)67 धावांनी मोठा विजय मिळवला आहे. बंगळुरुच्या गोलंदाजांनी केलेल्या अफलातून कामगिरीमुळे हा विजय झाला असून यावेळी वानिंदू हसरंगाने सर्वोत्कृष्ट कामगिरी करत 5 विकेट्स सामन्यात घेतले. हैदराबादकडून राहुल त्रिपाठीची एकहाती झुंज व्यर्थ गेली असून त्याने अर्धशतक ठोकूनही संघ मोठ्या फरकाने पराभूत झाला आहे.
प्रथम नाणेफेक जिंकत बंगळुरुने फलंदाजीचा निर्णय घेतला. सामना दुपारी असल्याने दुसऱ्या डावात दवाची अडचण येणार नाही त्यामुळे हा निर्णय घेतला. एक मोठी धावसंख्या उभारण्याची रणनीती बंगळुरुची होती. त्यात पहिल्याच चेंडूवर विराट शून्यावर बाद झाला. पण नंतर कर्णधार फाफ डु प्लेसीस आणि रजत पाटीदारने डाव सांभाळत एक मोठी धावसंख्या उभारण्याचा प्रयत्न केला. दोघांनी धावसंख्या 100 च्या पुढे नेल्यानंतर विराटला बाद करणाऱ्या जे सुचितने रजतला 48 धावांवर तंबूत धाडलं. त्यानंतर मॅक्सवेल क्रिजवर आल्यानंतर त्यानेही डाव सांभळला. पण 33 धावा करुन तोही बाद झाला. कार्तिकने त्याला बाद केलं. यावेळी अखेरची दोन षटकं खेळायला आलेल्या दिनेशने तुफान फटकेबाजी सुरु केली. त्याने अवघ्या 8 चेंडूत 30 धावा कुटल्या. यात 4 षटकार आणि 1 चौकार त्याने लगावला. आज सलामीचा सामना खेळणाऱ्या एफ फारुकीला त्याने अखेरच्या षटकात 22 धावा ठोकल्या.
193 धावांचे लक्ष्य गाठण्यासाठी मैदानात आलेल्या हैदराबाद संघाची सुरुवातच खराब झाली. त्यांचा सलामीवीर अभिषेक आणि विल्यमसन शून्यावर बाद झाले. त्यानंतर मार्करम आणि राहुलने डाव सावरण्याचा प्रयत्न केला. मार्करम 21 धावा करुन बाद झाला. पण राहुलने झुंज कायम ठेवलं. राहुल क्रिजवर असताना दुसऱ्या बाजूने मात्र एक-एक गडी बाद होतचं होते. राहुलने 37 चेंडूत 58 धावांची एकहाती झुंज दिली खरी पण त्याला कोणाचीच साथ न मिळाल्याने अखेर तोही बाद झाला. ज्यानंतर पुढील फलंदाज काही धावा करुन तंबूत परतले आणि हैदराबादता 67 धावांनी पराभव झाला.
वानिंदूचा दमदार 'पंच'
बंगळुरुच्या फलंदाजानी 193 धावांचे दमदार लक्ष्य समोर ठेवले होते. हे पार करणं तसं शक्यही होतं. पण बंगळुरुच्या गोलंदाजांनीही भेदक गोलंदाजी करत हे आव्हान पार करुन दिलं नाही. यावेळी वानिंदू हसरंगाने सर्वोत्कृष्ट गोलंदाजी केली. त्याने 4 षटकात केवळ 18 धावा देत 5 विकेट्स घेतल्या. यावेळी त्याने टाकलेली शेवटची आणि संघाची 17 वी ओव्हर तर मेडन ओव्हर असल्यासह यावेळी दोन विकेट्सही त्याने घेतले. याशिवाय हेझलवुडने 4 षटकात केवळ 17 धावा देत 2 विकेट्स घेतल्या
हे देखील वाचा
महत्त्वाच्या बातम्या
ट्रेंडिंग न्यूज
