IPL 2022, MI vs RCB : आज मुंबईकर पुन्हा उतरणार मैदानात, समोर असेल आरसीबीचा संघ, कधी, कुठे पाहाल सामना?

मुंबई इंडियन्सला यंदाच्या हंगामात अजूनपर्यंत एकही विजय मिळवता आलेला नाही, त्यामुळे आजतरी ही प्रतिक्षा संपणार का? याकडे सर्वांचे लक्ष आहे.

RCB vs MI

MI vs RCB : तब्बल पाच वेळा आयपीएल ट्रॉफी जिंकणाऱ्या मुंबई इंडियन्सना (Mumbai Indians) यंदा एकही विजय मिळवता आलेला नाही. त्यांनी खेळलेल्याा तीन सामन्यात तीन वेळा त्यांना पराभव पत्करवा लागला आहे. पण आज मुंबईसमोर बंगळुरु संघाचं आव्हान असून त्यांना विजयाचं खातं खोलण्याची संधी आहे. दुसरीकडे आरसीबीने (RCB) तीन पैकी दोन सामने जिंकले असल्याने हा चांगला फॉर्म त्यांना कायम ठेवायचा आहे.

आयपीएलमध्ये (IPL 2022) आज होणाऱ्या या मुंबई इंडियन्स विरुद्ध चेन्नई सुपरकिंग्स (MI vs RCB) या सामन्यातून एक अटीतटीचा सामना क्रिकेट रसिकांना पाहायला मिळेल अशी आशा आहे, कारण दोन्ही संघानी आजवर एकमेंकाविरुद्ध लढलेल्या सामन्यात चुरशीची लढत दिसून आली आहे. विशेष म्हणजे जसप्रीत बुमराह याने आतापर्यंत आरसीबीचे महत्त्वाचे खेळाडू असणाऱ्या कोहली आणि मॅक्सवेल यांना अनुक्रमे 4 आणि 5 वेळा बाद केलं आहे. पण दिनेश कार्तिक यंदाच्या आयपीएलमध्ये तुफान फॉर्ममध्ये असल्याने त्याचा धोका चेन्नईला नक्कीच आहे   

कधी आहे सामना?

आज 9 एप्रिल रोजी होणारा हा मुंबई इंडियन्स विरुद्ध रॉयल चँलेजर्स बंगळुरु यांच्यातील सामना भारतीय वेळेनुसार सायंकाळी 7 वाजून 30 मिनिटांनी सुरु होईल. 7 वाजता नाणेफेक होईल.  

कुठे आहे सामना?

हा सामना पुण्यातील एमसीए स्टेडियमवर खेळवला जाणार आहे.

कुठे पाहता येणार सामना?

मुंबई इंडियन्स विरुद्ध रॉयल चँलेजर्स बंगळुरु यांच्यातील सामना स्टार स्पोर्ट नेटवर्कवर पाहता येणार आहे. वेगवेगळ्या भाषेतून सामना पाहता येणार आहे. तसेच हॉटस्टार अॅपवरही सामना पाहता येईल. याशिवाय https://marathi.abplive.com/ येथेही तुम्हाला आयपीएलचे लाईव्ह कव्हरेज पाहाता येईल. 

हे देखील वाचा-

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha