MI vs RCB, Match Highlights: यूएईमध्ये सलग सात पराभवानंतर RCB चा विजय; तर दुसऱ्या टप्प्यात मुंबईचा सलग तिसरा पराभव
IPL 2021, MI vs RCB: मुंबई पहिल्या 10 षटकांत सहजपणे हा सामना जिंकेल असे वाटत होते. पण, चहल आणि मॅक्सवेलने मधल्या षटकांत सलग बळी घेत आपल्या संघाला विजय मिळवून दिला.
Bangalore vs Mumbai: दुबई आंतरराष्ट्रीय स्टेडियमवर खेळल्या गेलेल्या आयपीएल 2021 च्या 39 व्या सामन्यात रॉयल चॅलेंजर्स बंगळुरूने मुंबई इंडियन्सचा 54 धावांनी पराभव केला. संयुक्त अरब अमिरातीमध्ये सलग सात पराभवानंतर रॉयल चॅलेंजर्स बंगळुरूचा हा पहिला विजय आहे. त्याचबरोबर आयपीएल 2021 च्या उत्तरार्धात मुंबई इंडियन्सचा हा सलग तिसरा पराभव आहे.
विराट कोहलीच्या आरसीबीने प्रथम खेळताना 20 षटकांत 6 बाद 165 धावा केल्या होत्या. प्रत्युत्तरादाखल पहिल्या 10 षटकांत 2 गडी बाद 80 च्या आसपास धावा करणारा मुंबई इंडियन्स संघ 18.1 षटकांत 111 धावांवरच आल आउट झाला. आरसीबीकडून वेगवान गोलंदाज हर्षल पटेलने चार बळी घेतले. युझवेंद्र चहलने तीन आणि ग्लेन मॅक्सवेलने दोन बळी घेतले.
तत्पूर्वी, नाणेफेक गमावल्यानंतर प्रथम फलंदाजी करण्यासाठी उतरलेल्या आरसीबीची सुरुवात खराबी झाली. सलामीवीर देवदत्त पडीकल दुसऱ्याच षटकात खाते न उघडता बाद झाला. यानंतर कोहली आणि भरत यांच्यात 68 धावांची भागीदारी झाली. 24 चेंडूत 32 धावा केल्यावर भरत बाद झाला. यादरम्यान त्याने दोन चौकार आणि दोन षटकार ठोकले.
यानंतर कोहली आणि ग्लेन मॅक्सवेल यांनी आरसीबीचा डाव पुढे नेला. दोघांनीही मैदानाच्या चौफेर फटकेबाजी केली. एकेवेळ अशी होती की आरसीबी सहज 180-190 धावा करेल असे वाटत होते. पण, शेवटच्या षटकांत मुंबईच्या गोलंदाजांनी विकेट घेतल्या आणि त्यांना 165 धावांवर रोखले.
भरत 75 धावांवर बाद झाल्यानंतर कोहली आणि मॅक्सवेलने तिसऱ्या विकेटसाठी 51 धावांची भागीदारी केली. आरसीबीची धावसंख्या 15 षटकांत 120 च्या पुढे होती. पण 16 व्या षटकात कोहली 51 धावांवर बाद झाला. त्याने 42 चेंडूंचा सामना करत तीन चौकार आणि तीन षटकार मारले. यानंतर फलंदाजीसाठी आलेला एबी डिव्हिलियर्स काही खास करू शकला नाही.
19 व्या षटकात जसप्रीत बुमराहने पहिल्यांदा मॅक्सवेल (37 चेंडू 56 धावा) आणि नंतर एबी डिव्हिलियर्सला (6 चेंडूत 11 धावा) बाद केले. यानंतर 20 व्या षटकात बोल्टने शाहबाजला (01) पॅव्हेलियनमध्ये पाठवले. मुंबईकडून जसप्रीत बुमराहने सर्वाधिक तीन विकेट्स घेतल्या. तर राहुल चहर, ट्रेंट बोल्ट आणि अॅडम मिलने यांना प्रत्येकी एक विकेट मिळाली.
महत्त्वाच्या बातम्या
