MI vs PBKS, Head to Head : मुंबई विरुद्ध पंजाबमध्ये रंगणार आजचा सामना, अशी आहे आतापर्यंतची आकडेवारी

IPL 2022 : आज पार पडणाऱ्या मुंबई इंडियन्स विरुद्ध पंजाब किंग्स सामन्यात मुंबई विजयाचं खातं खोलणार का? हा सर्वात मोठा प्रश्न आहे. पंजाब आणि मुंबई यांच्या एकमेंकाविरुद्धच्या आतापर्यंतच्या कामगिरीवर एक नजर...

Mumbai Indians vs Punjab Kings

MI vs PBKS : मुंबई इंडियन्स विरुद्ध पंजाब किंग्स (MI vs PBKS) या आयपीएलमधील (IPL 2022) आजच्या सामन्यात मुंबईला यंदाच्या हंगामातील पहिला विजय मिळवण्याची संधी आहे. आतापर्यंत झालेल्या चारही सामन्यात मुंबई पराभूत झाली आहे. दुसरीकडे पंजाबने चार पैकी दोन सामने गमावले असते तरी दोन सामने जिंकले देखील आहेत. त्यामुळे आजचा सामना चुरशीचा होण्याची शक्यता आहे. दरम्यान आजच्या सामन्यापूर्वी या दोन्ही संघाचा आजवरचा एकमेंकाविरुद्धता इतिहास पाहणंही महत्त्वाचं आहे.

आजचा सामना पुण्यातील एमसीए स्टेडियमवर पार पडणार आहे. आजच्या सामन्यात दोन्ही संघामधील कोणता संघ चांगली कामगिरी करेल यासाठी त्यांच्या आजवरच्या इतिहासावर (Head to Head) एक नजर फिरवू... 

मुंबई विरुद्ध पंजाब Head to Head

आयपीएलमध्ये आजवर मुंबई इंडियन्स विरुद्ध पंजाब किंग्स हे संघ तब्बल 27 वेळा एकमेंकाविरुद्ध मैदानात उतरले आहेत. या सर्व सामन्यांचा विचार करता दोन्ही संघानी एकमेकांना चुरशीची टक्कर दिली आहे. मुंबईने पंजाबपेक्षा केवळ एक सामना अधिक जिंकला आहे. चेन्नईने 27 पैकी 14 सामने तर पंजाबने 13 सामन्यात विजय मिळवला आहे. पण मुंबईचा फॉर्म खराब असल्याने आजचा सामना जिंकून पंजाब बरोबरी साधणार का हे पाहावं लागेल.

आजच्या सामन्यात अशी असू शकते संभाव्य अंतिम 11  

मुंबई - रोहित शर्मा (कर्णधार), ईशान किशन (विकेटकिपर), सूर्यकुमार यादव, तिलक वर्मा, किरॉन पोलार्ड, टीम डेव्हिड, डॅनियल सॅम्स, मुरुगन आश्विन, जसप्रीत बुमराह, टायमल मिल्स, बेसिल थम्पी.   

पंजाब - मयांक अगरवाल (कर्णधार), शिखर धवन, लियाम लिव्हिंगस्टोन, भानुका राजपक्षा (विकेटकीपर), शाहरुख खान, ओडियन स्मिथ, राज बावा, अर्शदीप सिंग, हरप्रीत ब्रार, संदीप शर्मा, राहुल चाहर

महत्त्वाच्या इतर बातम्या :