Harshal Patel : एकाही गोलंदाजाला जे जमलं नाही ते हर्षल पटेलनं करुन दाखवलं, दुसऱ्यांदा पटकावली पर्पल कॅप
Harshal Patel : आयपीएल 2024 च्या पर्वात पर्पल कॅपचा मानकरी पंजाब किंग्जचा खेळाडू हर्षल पटेल ठरला. हर्षल पटेलनं 24 विकेट घेतल्या.
चेन्नई : आयपीएलच्या सतराव्या पर्वाचा अखेर समारोप झाला आहे. कोलकाता नाईट रायडर्सनं आठ विकेट राखून सनरायजर्स हैदराबादवर दणदणीत विजय मिळवला. कोलकाता नाईट रायडर्सनं आतापर्यंत तिसऱ्यांदा आयपीएल ट्रॉफीवर नाव कोरलं. कोलकाता नाईट रायडर्सच्या सुनील नरेनला प्लेअर ऑफ द टुर्नामेंट पुरस्कार देण्यात आला. सर्वाधिक धावसंख्येसाठी दिली जाणारी मानाची ऑरेंज कॅप विराट कोहलीला मिळाली. विराट कोहलीच्या वतीनं ती ऑरेंज कॅप श्रेयस अय्यरनं स्वीकारली. तर, सर्वाधिक विकेटसाठी दिली जाणारी पर्पल कॅप हर्षल पटेलला मिळाली. हर्षल पटेलनं दुसऱ्यांदा पर्पल कॅप मिळवत इतिहास रचला.
पंजाब किंग्जकडून खेळणाऱ्या हर्षल पटेलनं पर्पल कॅप मिळवली आहे. हर्षल पटेल दोन वेगवेगळ्या संघांकडून पर्पल कॅप मिळवणारा आयपीएलमधील पहिला खेळाडू ठरला आहे. पंजाब किंग्जनं आयपीएल प्लेऑफमध्ये प्रवेश केला नाही मात्र हर्षल पटेलनं दमदार कामगिरी केली. हर्षल पटेलनं 14 मॅचमध्ये 24 विकेट 9.73 च्या इकोनॉमीनं घेतल्या आहेत.
हर्षल पटेलनं दुसऱ्यांदा पर्पल कॅप मिळवली. यापूर्वी हर्षल पटेलनं रॉयल चॅलेंजर्स बंगळुरुकडून खेळताना मिळवली होती. पंजाब किंग्ज जरी आयपीएल प्लेऑफमध्ये पोहोचलं नसलं तरी हर्षल पटेलनं मात्र दमदार कामगिरी केली आहे. हर्षल पेटलनं आयपीएलच्या 17 व्या पर्वात 24 विकेट घेतलं. कोलकाता नाईट रायडर्सचा वरुण चक्रवर्ती ऑरेंज कॅपच्य शर्यतीत दुसऱ्या स्थानावर राहिला. वरुण चक्रवर्तीनं 21 विकेट घेतल्या.
हर्षल पटेलनं इतिहास रचला
हर्षल पटेलनं आतापर्यंत दुसऱ्यांदा आयपीएलच्या पर्पल कॅप मिळवली आहे. 2021 च्या हंगामात त्यानं आरसीबीकडून 32 विकेट घेतल्या होत्या. हर्षल पटेल दोन वेगवेगळ्या संघांकडून खेळताना पर्पल कॅप मिळवणारा पहिला खेळाडू ठरल आहे. ड्वेन ब्राव्हो आणि भुवनेश्वर कुमार या दोघांनी देखील दोनवेळा पर्पल कॅपवर नाव कोरलं आहे. मात्र, दोघांनी एकाच संघाकडून खेळताना अशी कामगिरी केली आहे.
भुवनेश्वर कुमारनं सनरायजर्स हैदराबादकडून खेळताना 2016 आणि 2017 ला पर्पल कॅप मिळवली. तर ड्वेन ब्राव्होनं 2013 आणि 2015 मध्ये पर्पल कॅप मिळवली होती.हर्षल पटेल हा एकमेव खेळाडू ठरला आहे की ज्या संघानं प्लेऑफमध्ये प्रवेश केला नाही त्या टीमच्या खेळाडूनं पर्पल कॅप मिळवली आहे.
दरम्यान, पंजाब किंग्जचा संघ प्लेऑफच्या शर्यातीतून मुंबई इंडियन्स नंतर बाहेर पडला होता. मात्र, हर्षल पटेल यानं सतराव्या आयपीएलमध्ये पर्पल कॅप मिळवली आहे.
संबंधित बातम्या :
महत्त्वाच्या बातम्या
