IPL 2022: भावाला लग्न मानवलं, डेवॉन कॉन्वेच्या दमदार सलामीवर मोईन अलीची भन्नाट कमेंट!
Moeen Ali on Devon Conway: चेन्नई सुपरकिंग्जचा (Chennai Super Kings) स्टार फलंदाज डेवॉन कॉनवेनं (Devon Conway) आयपीएल 2022 मध्ये उत्कृष्ट कामगिरी करून दाखवली आहे.
Moeen Ali on Devon Conway: चेन्नई सुपरकिंग्जचा (Chennai Super Kings) स्टार फलंदाज डेवॉन कॉनवेनं (Devon Conway) आयपीएल 2022 मध्ये उत्कृष्ट कामगिरी करून दाखवली आहे. त्यानं चेन्नई सुपर किंग्जकडून खेळताना चार पैकी तीन सामन्यात सलग अर्धशतक ठोकलं आहे. मुंबईच्या डीवाय पाटील स्टेडियमवर दिल्ली कॅपिटल्सविरुद्ध खेळण्यात आलेल्या सामन्यात त्यानं 27 चेंडूत अर्धशतक पूर्ण केलं. दरम्यान, चेन्नईचा अष्टपैलू खेळाडू मोईन अलीनं (Moeen Ali) डेवॉन कान्वेच्या कामगिरीचं कौतूक कलं आहे. तसेच कॉनवेसाठी लग्न करणे हा एक चांगला निर्णय असल्याचं त्यानं गमतीनं सांगितलं. लग्न झाल्यापासून तो सतत धावा करत आहे. सलामीवीर म्हणून ऋतुराजसोबत कॉनवे सातत्याने मोठी धावसंख्या उभारत असून संघाला चांगली सुरुवात करून देत आहे, असं मोईन अलीनं म्हटलं आहे.
मोईन अली काय म्हणाला?
दरम्यान, मोईन अली म्हणाला की, "डेवॉन कान्वे आणि ऋतुराज गायकवाडची जोडी चेन्नईच्या संघाला चांगली सुरुवात करून देत आहे. ज्याची संघाला खूप आवश्यकता होती. डी कॉन्वे उत्कृष्ट खेळाडू आहे. या हंगामात त्यानं दमदार फलंदाजी करत दाखवून दिलं. त्याची फलंदाजी पाहून मी आकर्षित झालो आहे. संघाला फाफ डू प्लेसिसची कमतरता संघाला भासत होती. परंतु, कॉन्वे त्याची जागा भरून काढताना दिसत आहे. त्यानं प्रत्येक सामन्यात महत्वाची भूमिका बजावली आहे."
चेन्नईचा दिल्लीवर 91 धावांनी विजय
दरम्यान, चेन्नई सुपर किंग्ज आणि दिल्ली कॅपिटल्स यांच्यात आयपीएल 2022 चा 55 सामना खेळला गेला. या सामन्यात नाणेफेक जिंकून दिल्लीच्या संघानं चेन्नईला प्रथम फलंदाजी करण्यासाठी आमंत्रित केलं. चेन्नईकडून डेव्हॉन कॉनवे (87), ऋतुराज गायकवाड (41) यांनी संघासाठी महत्त्वपूर्ण खेळी केली. ज्यामुळं चेन्नईच्या संघानं 20 षटकात दिल्लीसमोर 209 धावांचं लक्ष्य ठेवलं.प्रत्युत्तरात दिल्ली कॅपिटल्सचा संघ 17.4 षटकांत केवळ 117 धावांत आटोपला. ज्यामुळं चेन्नईच्या संघान यंदाच्या हंगामातील सर्वात मोठा विजय मिळवला आहे. या सामन्यात चेन्नईनं दिल्लीला 91 धावांनी विजय मिळवला आहे.
हे देखील वाचा-
महत्त्वाच्या बातम्या
